زين الرجالِ (مكتوبة) - حيدر البياتي

 

أهلا يا زين الرجالي
أهلا يا فخر المعالي
يا نسمة ريح الشمالي
يا هلا يا هلا

يوم الفرح والخير يوم الصرت انته
أنت الحچي كله وباقي البشر سكته
اسم الحسن يا ناس ينكط هله شفته
بخمسطعش رمضان يا محلى سالفته

رمضان بنورك تجلى
وجهك من أيامه أحلى
يا أقرب من روحي وأغلى
يا هلا يا هلا

نجم السما يزعل يالغالي من تزعل
لو ما نده حروفك حتى الورد يذبل
أنت الضوة عيونك من الشمس أجمل
قرآن ابن قرآن أوصافه تترتل

يا الاسمك ملح السوالف
من تحضر تگضي الكلايف
أهلا يا شيخ المضايف
يا هلا يا هلا

عينك سفينة نوح ومن البحر أكبر
كل يابس على الگاع من نظرتك خضر
حتى الجبل مولاي يم هيبتك يزغر
الكون ومجراته وي سبحتك يفتر

ما أعظم حضرة جنابك
ساجد والعالم تهابك
يا حي الله ويا هلابك
يا هلا يا هلا

ما خاب من يرجاك يوم الملمات
يا مشرعا بالخير چف الچثيرات
عنك الفيافي تكول شيخ المهمات
يا مكرم أهل الگاع وأهل السموات

يا مرعب أهل السيوف
يا هزبر يوم الحتوف
بدارا ما غاله الخسوف
يا هلا يا هلا