نعي على مصائب السيدة زينب عليها السلام - فيديو (مكتوبة) - الشيخ زمان الحسناوي

نعي على مصائب السيدة زينب عليها السلام(مكتوبة)

الشيخ زمان الحسناوي

 

وإحنا جميعاً شيعة أهل البيت يوم القيامة تحت راية علي بن أبي طالب إن شاء الله.

كلنا كلنا كلنا كلنا كل شيعة أمير المؤمنين في الدنيا بغض النظر عن اللغة والعرق والـ كلنا تحت راية علي بن أبي طالب يوم القيامة إن شاء الله.

كلنا مو هالشكل؟

ونقرا

ما بقت عندي وسيلة ولا أمل غير حب المرتضى خير العمل

حاشى له أن يعوفني بذاك المحل ونوخ بواديه حمى هرچة إبل

واقصد ليا المحشر وعاين للحسين
موكب ينادي شفيع المذنبين
شيعتي اغفر يا إلهي العالمين بجاه دم المن عصار خضباوي
بجاه دم المن عصار خضباوي

وحدة من الأمور اللي تألمني بمصيبة الحسين وكلشي بمصيبة الحسين يألم بس وحدة حقيقة تحرق القلب حقيقة تحرق القلب هذا مو گوريز أريد أبچيك لا لا واقع أحچي ما يحتاج گوريز هو الحسين يحتاج گوريز مصيبة الحسين ها الحسين

لا إله إلا الله ما ذكرت عند مؤمن أو مؤمنة إلا وبكى الحسين

بس وحدة من المصائب اللي صدك تحرق القلب كل مصايبه تحرق القلب يقول الح هاي مصادر مصادر أنا مسؤول تحاسبوني على ذني الحكايات حاسبوني بالمصادر الحسين أول دم لطخ وجهه به دم علي الأكبر

هذا مو أريد أبچيك مصدر عندي مصدر الحسين لما انقتل علي الأكبر وجاء قعد يمه ونام وياه آه عليك يا أبا عبد الله آه عليك آه عليك يا أبا عبد الله شبك وليده ونام وليده مقطع أخذ من دم وليده دم حار وليده بعده حار الدم قام يمسح وجهه مسح لحيته وجهه بدم علي الأكبر

الدم الثاني اللي الحسين لطخ بيه وجهه دم الرضيع من رماه للسماء ما نزلت منه قطرة بس بقايا الدم بإيد الحسين مسح وجهه بدم ولده

الدم الثالث دم قلبه من طلع المثلث أخذ دم قلبه ومسح وجهه وقال هكذا ألقى ربي ما أدري يعني يجوز يوم القيامة أبا عبد الله نشوفك بهاي الصورة ما أعرف

أنا اللي مؤلمني هذا بالله باوعوا لي باوعوا لي أنا اللي مؤلمني هذا هسه الدم الثالث اللي وجهه لطخ بيه ما كان يم عياله مو يم عياله أنا اللي مؤذيني من رجع ودع النساء والحسين ودع النساء من بعد مقتل كل أهل بيته من رجع ودع النساء دم علي الأكبر ودم الرضيع كان بوجه الحسين لو لا كان بوجه الحسين يا إخوان هذا منظر ما عندي كلمات يعني هسه شنو أقول يلا قول لي شنو أقول

شلون أقدر أصفه يعني هاي الرباب من ودعت الحسين الرباب ودعت الحسين دم ابنها شافته بوجه الحسين لو لا ليلى من ودعت الحسين دم علي الأكبر شافته بوجه أبوه لو لا

أما زينب شافت بوجه الحسين دم الأكبر وشافت دم الرضيع ومن طاح الحسين راحت له شافت دم قلبه على وجهه وعلى وجه الحسين وقعدت يم أخوها ووجهه ملطخ بالدم أبو السجاد

شافته كأنه يقول شيئاً إشفافه يتحركن دنت بأخيتها يمه الله يرحمكم يا شعراء الحسين ويحفظ الموجودين خصوصاً ذول الماضيين يا أخي آه آه هذا الشاعر أنا ما أدري منو الشاعر ما أعرف اسمه بس أرباع قديمة لابد هو الآن في قبره شوفوا جاه الحسين اللهم اجعلني عندك وجيهاً هو الآن بقبره أنا وياك هنا بالاهواز نترحم عليه ونقرا أبياته وندعيل ربه الرحمة ويشاركنا ببچينا مثل ما شاركنا السيد عبد الصاحب بتربة وهو في قبره

يقول

إجت للحسين قال لها شلون إندليتيني قالت له

إجتك على ريحة الخوه
خويه لا تقول ما عندي جدوه
أنا عنك خذوني القوم قوه
إشحال اليباري لعدوه
يا بو علي ما تدري الشمر بيه إشسوه
بمسوطه على متوني تلوه

يحرك شفتيه ما سمعت صوته ناصي أخذ منه نزف الدم وهاي الأعداء داير ما دايرها بين سبعين ألف خيال إيش تسمع دنگت يم رأس الحسين خلت أذنها يم شفته قول خوية تحرك شفافك إشرايد سمعته قالت خلت عشر أصابعها على رأسها وهاي عند العرب بيها معنى بس ذوله مسوخ قاطية تاريخ ذوله قيء التاريخ خلت عشر أصابعها على رأسها صاحت

يا ناس درب المشرعه منين

يعني إيش قال لها

يا ناس درب المشرعه منين
عطشانه خيام وجروحي
أنا ما أقول يا مسلمين ما يستحقون ذوله
والله عطشانه خيام وجروحي
أنا نبع عيني لجيب الماي

خويه ما بعيني دمع وسجيك
ولو تنفدي بالروح لبديك
أنا جبت الدوا وبإيدي أداويك
قلي يا جرح يا بن أمي يأذيك

أيضاً إيش قالت له للحسين

يمتى يجي الموعود وعده
وظهره على الكعبه يسنده
وهناك يطلب ثار جده
ثارات البگن ويالقوم وحده
وثار الوگع عالگاع خده

حسين بعد

وثار الشباب الذبل ورده
وثار الذي فطموه بمهده
وثار الوگع عنهر زنده
عالنهر زنده
بعد
وثار المشن للشام بعده
يسيرات من بلده لبلده

الله الله يسيرات من بلده لبلده عاد زينب دزت رسالة أنتم تعرفون هذا الحكي قالت

وأنا الذي ركبت الحموله
وبليل يگطع چا لچا له
أخبر بحچي لازم يگوله
من يوصل بيوت الحموله
يذب عمامته ويسوي هوله
ويصرخ يا تربة الرجوله
سيدكم الحسين اتلاحگوه

يا وسفة يا أبا عبد الله

يا بلعبت عليه الخيل جوله
ولكم حرم تدرون يا لاه
ما بين ذوله وبين ذوله
يا وسفة
ما بين ذوله وبين ذوله
وهن حجاب الله ورسوله
العلويات

بكرة أقرأ لكم إن شاء الله مقتل السيدة زينب عليها السلام بس الليلة أقرأ هالبيت هذا شو حارق قلبي هذا البيت من زينب طلعت للشام سكينة تقول لها يا عمة يا عمة

يا عمه وحدچ للشام ترحين
يا عمه أنتي مريضه وما تگدرين
ومالج قلب للشام تمشين
لهسه بقلبچ جروح الدواوين
من بسوط ضربه وثغر الحسين
يا أبا الحسين أبا الحسين
يا عمه گبال عينچ وأنتي تبكين