أكو يمشي - فيديو (مكتوبة) - باسم الكربلائي
|1
منذ 10 ساعات
١٦
أكو يمشي(مكتوبة)
الرادود:باسم الكربلائي
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
عد خطوات ويكربله الحاصل
أكبر فوز ينتظرك الكافل
يالمشاي إي والله تستاهل
تشرب ماي من كف أبو فاضل
شد إحزام وتوضه وتوكل
ذاك حسين ينتظرك أو يسأل
وين فلان هاي السنة طول
تره يسأل على شخصك ولا ينسه أحد
عسه ما شر وأنا أعرفك ولا تخلف وعد
يالله لا تنتظر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
هذا اليوم هنيله من وفه
كون تروح وبكلبك اللهفه
والعباس أشر لك بكفه
چا شتريد إركضله وتحفه
يالمشاي عدوانك هوايه
إمشي أو صيّح يا صاحب الراية
يا مولاي سجلنه مشاية
ولا أتعب ولا أرجع وأنا أفدي النفس
أنا أوصل إلى قبرك إذا خلف الشمس
ويه حر الظهر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
هي الكاع مشتاگه لأيامك
خل ترتاح وتقبل أقدامك
يالمهيوب من شدت إحزامك
چن فزّاع والعركة جدامك
كل هالناس احسبها عائلتك
والنسوان أمك تره أو إختك
والزهراء ماشكن بذمتك
بس تحذير وهوايه راصدتك
أبو غيره عله بختك ولا يفرح عدو
ولا ترضى عله منكر كفو منك كفو
خلي بيدك جمر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
للتحذير والقصة مو سهله
والأضواء تركض عله الزله
هو إحسين وكت الحرب صلى
يعني بهاي عله أو ألف عله
بالآذان من تسمع إتمهل
صلي أو روح والباري يتقبل
واعرف زين مو كلشي يتأجل
كل الخوف لو سيدك يزعل
أبو الأكبر تره ينظر إذا صار الفرض
وإذا ترفض شكو واجب تره حصتك رفض
من تنفذ الأمر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
ماكو فلان زاير صبح إسمك
وأهل الخير گدامك إتحشمك
كلها إتريد تتشرف إخدمك
أومر كول كل الخدم يمك
ذاك الشاب هم زاير وخادم
هذا الشاب چن للحرب قادم
ذاك أو ذاك موقف شهم حازم
متعلمين من فزعة القاسم
هي ثورة وهي فزعة وهي صولة شهم
ولا سهله تره إلها فده راحت زلم
بالدمه والصبر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
بالعطشان خل يلهج السانك
للإعلام خل تظهر أحزانك
صوتك سيف والممشى ميدانك
حيدر صيّح تتأذه عدوانك
قائد صيّر والليخطأ إتحذره
كل أعداك تتمنى بس ثغره
صير دموع للينعى والبچره
والحسرات تسمعهن الزهره
تره تعرف منو قصر منو للطف يحن
وهي تنظر من يضحك منو شايل حزن
يالتحس بالكسر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
غمض العين وتصور اشويه
شنو ايصير بالأربعينيه
إيد بإيد والهوسه شيعيه
حتى إنروح نتلگه مسبيه
شتريدين گولي يا بيت حيدر
مو حراس خدامج أو أصغر
هالأعداد وبكل سنه أكثر
كم مليون يستقبل الخدر
إذا للطف اكو رجعه وأنا أحيى إفخر
منو يحرق منو يسبى منو يمنع نهر
هالتجمع نصر إمش و احسب أجر
اكو يمشي اكو يركض اكو يوصل زحف
اكو حجه اكو عمره اكو خطوة بألف
ما بقالك عذر إمش و احسب أجر
عالخدام لا تبخل إشكرًا
صار إبداع بالخدمه والأهلان
سهرانين يا زاير اتطمن
يتلقاك چن خيمه محترگه
وتطفيه وتربرده بالملگه
من تروح يتحسر إحرگه
الله وياك ويه دمعة الفرگه
أبو موكب أبو خدمه هله تلحق هله
إذا زاير يجي يمه ولا يذكر هله
يستحق الشكر إمش و احسب أجر
