عيد الأعياد - فيديو (مكتوبة) - باسم الكربلائي

عيد الأعياد(مكتوبة)

الرادود: باسم الكربلائي

عيد الاعياد قِدوم الزهره
هذا ميلاد جميع العِتره
بارِك إلْ طه .. وإفرح وياها

من ضريح حسين بارك وإفرح وهَنِّيها
ربها ينطيك التريده مِثِل ماينطيها
گول يازهراء مَرّه اوجرُّب وناديها
گبل لاتلفُظ بِسِمها حاجِتَك تكضيها
كلشي ينطيك اذا تدعيها
گله ناخيك ببوها وبيها
قِبله خلاها .. وافرح وياها

ربها لو قَرّب مُوالي اوراد يرفع قَدره
خَلّه مقياس القَرابه بهاي حب الزهره
اومن يشوفه ايحبها اكثر من حياته اوعمره
لو نِزَل بالگبُر ينزل نور حُبها إبكبره
تنزل وياه تِدَون أقواله
من خَطاياه عذر تلگاله
يمّه يلگاها .. وافرح وياها

ما أگِلّك شنهي فاطم بس أگلك عدها
كل مقاليد النبوّه اوكل شرف والدها
إيدك الها من تِمدها مُستحيل إتردها
سيّده اومن بعد ابوها بس علي سيدها
لكن اتشوف علي إمقدِّمها
امدنگ ايطوف يمُر من يمها
ربها علّاها .. وافرح وياها

نور مولدها المُبارك للشمس ضَوّاها
الْ هالسبب لو دوّرتها ابكل كتر تلگاها
هاي اول مرأه ربك من أجل عيناها
گبل لايخلقها خالق سر زوجها وياها
ربك اختار قَبِل مولدها
علي الكرار زَوِج يسعدها
بيها يتباها .. وافرح وياها

لومه فاطم ماعرفنه السيده المظلومه
واثنعش معصوم ماكو ابشجرة المعصومه
لاحسين اولا شفاعه إوجنه مامقسومه
لومه فاطم من جهنم كِلها مامفطومه
حُبها ميزان يريده الخالق
هيه قران كتابه الناطق
نجه الوالاها .. وافرح وياها

يغضب الباري الغضبها اويرضه لمّن ترضه
ويرفض الرفضت الزهره والبغضها ايبغضه
فاطم السر الإلاهي الراد كلنه انحفظه
ال هالسبب رب الروافض للرفضها إيرفضه
حارِگ الباب غَداً لوجاها
يعرض اسباب عدائه وياها
بُغُض عاداها .. وافرح وياها

لوفرضنه بغير فاطم منخلق عالمنه
جان لسه اتباع اميه ودها تشرب دمنه
رغم ماقدمنه نطلع كل شي ماقدّمنه
لانبوه اولا وِلايه اولا ظهر قائمته
فاطم اوتاد سمائه السبعه
هيه ميعاد كتابه إوشرعه
ربها سمّاها .. وافرح وياها

مولد الزهره العظيمه مو ولادة صِدفه
كوثر انطاها المحمد ربها رب الرأفه
كل نساء الدنيه واجب بم حسن تتكفّه
اومن عفاف الزهره كون المرأه تاخذ عِفّه
واجب اتصير مِثال اوقِدوه
بيها تأثير جميع النِسوه
قدوه سوّاها .. وافرح وياها

دمع الفرح عيني منها ليله
اوبزغ نور النبوّه منها ليله
فلا ليلة الزهره منها ليله
القدر والمنزله البيها سويه

عِله صوت الموالي إبفرح نَبره
إونِضَل الفاطمه الزهراء نبره
براءه إمن التعادي أم حسن نَبره
براءة حيدره من آل أُميّه

خبر موعد ولادتها وَصَلّي
لبوة حيدره وأشهد وصلي
أسلّم فرُض عالزهره وصَلّي
كما صلّه النبي واجب عليه

التضدهه من عذاب الله وَلْها
إو روحي المولد الزهراء وَلها
أبارك للحسن وحسين ولها
وبارك للعقيله الهاشميه