صاحت حميدة - فيديو (مكتوبة) - سيد سلام الحسيني

 صاحت حميدة (مكتوبة)

الرادود:سيد سلام الحسيني

بالكوفة وتلاگن حميدة وطوعه
وتگابلن مفجوعه وي مفجوعه
طوعه اجت وتحشم
تناشد منو وبنت مسلم
ومن گربت عرفتها من اوصافه
صاحت حميده احچيلي
عن والدي الهد حيلي
روحي بدت ضيعتها بخلافه
گلها ضل وحده ابوج
ماكو ناصر يعينه
الكوفه دارت عليه
وما اله اخو بس يمينه
وعلى القصر شفته دار
كربله ترابي عينه
فوك المها فجعها
وعلى الهزل هل دمعها
طفله يجرح وضعها…غريبه
بين ابوها واخوها
انفجعت وحيروها
شتحمل وشوفها  مصيبه
يا عذاب  شچم مصاب مسره نوگ واغتراب

بويه وين  افتحلي عين ياسفير هل الحسين
بويه وين  افتحلي عين ياسفير هل الحسين

اتگلها يطوعه شلون اعد احزآني
گلبي چمر وتلوعت بخواني
ياطوعه ماشفتيهم
بلچن الي ادوريهم
وياج اريد اجي بس نظري  بچفوفي
روحي انتِي الهم واني
ابقى بهضم عدواني
بس لا ذبحهم دهري…كل خوفي
كل دلالي نسيت
ويا اهلي من ودعوني
هسه كل حلمي صار
كون اخوتي يجوني
ويانا صح هم عذاب
بس يخف من شچوني
الزمن حيراني
هم اخوتي ابتلاني
والدي الفارگاني  بسبينا
هذا حال الغريبه
من مصيبه المصيبه
وگلبي سكته نحيبه  ونينه
جاي اموت  بلايه صوت كوه صاح بالسكوت

بويه وين  افتحلي عين ياسفير هل الحسين
بويه وين  افتحلي عين ياسفير هل الحسين
فچئه حميدة تلفتت بالكوفة
وبلا علم لن راس ابوها تشوفة
صاحت غيابك هدني
ست اشهر مفارگني
بس راسك يلاگيني  يابويه
تانيت واشتاگيتگ
وشديت ايدي وجيتگ
بهذه الشكل تاذيني  يابويه
بيا وضع شوف اجيت
بويه افتحلي عينك
گلي انوحن عليك
لو انوح البنينك
مارحمني الزمان
المني ماخذ حنينك
بويه اسمع شكوتي
ضيعتهم اخوتي
وانتظر بلكي موتي  يجيني
شلون اباوع ع منحر
والدي واصبر اكثر
حزني من عندي اكبر  سنيني
ماكو روح  بس جروح كلشي خوف تبچي نوح

بويه وين  افتحلي عين يا سفير هل الحسين
بويه وين  افتحلي عين ياسفير هل الحسين
لحزانك انفك باب لو احزاني
لو احجي ضاعوا ليش بويه اخواني
بكربلاء حاطونه
ومن العذب منعونه
يابويه وتغربنه  بالهيمه
ضل عمي حاير وحده
والجيش عنه يرده
النار بعده جتنه  للخيمه
ويه اخوتي الزغار
اتلازمينه وركضنه
من لكينه الخيول
گوه بويه افتركنه
حيرتي الهم اروح
لو ادور اهلنه
يربي ضل شوفي الهم
شگد ندهت بظهرهم
بالفزع ضيعتهم  شجيهم
چف لزمهن اديه
التفت لنها هي
ادور امي عليه  وعليهم
بويه وين  افتحلي عين يا سفير هل الحسين
بويه وين  افتحلي عين ياسفير هل الحسين