ضيعنه طف النايبه - فيديو (مكتوبة) - محمد باقر الخاقاني
ضيعنه طف النايبه(مكتوبة)
الرادود: محمد باقر الخاقاني
ياما مشت بينه الگاع وتهدم الحيل
بينه اشترى الطف وباع من هجمت الخيل
مسلم ابونه شغيبه.....ضيعنه طف النايبه
من هجمت الخيل
بين الخيل وبين النار وبين صولات العساكر
ثنين اخوان اخوان اصغار ضاعو ابين الحوافر
راحو وين المغرب صار عيون عمتهم تناطر
ركضه خوف وليل انهار وينه مطهر وينه طاهر
الماعنده اهل وين يروح بيا مسكن يبات
واليسهر اليل ينوح يخاف من الاصوات
الاصوات بالطف مرعبه....ضيعنه طف النايبه
من هجمت الخيل
هواي امشينه امشينه هواي والدرب طول علينه
لا عم عدنه ولا حماي ولا ابن عم يدري بينه
هذا الراح شلون الجاي والزمان شيضمنه لينه
نبات اليل بجرف الماي گمنه. نتوسد ادينه
وحدنه بليل نطوف ونتنخه عباس
ياعم گطع بينه الخوف اندير المن الراس
ونگله احنه بشاربه.....ضيعنه طف النايبه
ضلمه وخوف وغربه وااه واحنه مانندل دربنه
نركض نعثر بالويلااه وع الدرب يوگع گلبنه
هيهات الطف ماننسى ونذكر بيوم نسلبنه
نخاف من النتلاگه وياه والي مايعرف نسبنه
راح الدرب بينه يطول ومدري المفر وين
بين الملا ناخف انگول عمنه اسمه الحسين
ونخاف لمن نندبه.....ضيعنه طف النايبه
من هجمت الخيل
هيمه ودخان الصيوان بعده ليهسه بصدرنه
سلمنه الطف للسجان مارحم بينه بصغرنه
المابي ذره روح انسان سوطه مافارگ متنه
راوانا التعذيب الوان المثله ماضگنه بعمرنه
لمن نصد للسجان نشوف الشمر بي
مابي رحم ع الرضعان يضربها بيدي
وچم جسد طاهر سلبه....ضيعنه طف النايبه
من هجمت الخيل
هم البينه يهد اجبال والدهر والدنه خانه
لو يحضرنه. بهذا. الحال يلمنه بحضانه وخذانه
لاچن بالطف الاطفال ياهو الي يلمها بحنانه
وعمنه موسد فوگ ارمال وسلبو زهره زمانه
شما حاول يگوم يطيح يم النهر ذاك
يسمع خدر عمتي يصيح يبن امي بحماك
من طاح سلبو زينبه.....ضيعنه طف النايبه
عفنه حسين بدون ثياب والشمس تچوي بجبهته
عنده وساده وساده تراب وعينه لخيامه وحرمته
بين الشامت والسلاب يشوف ركضة زينب اخته
تطلب من ميتين احجاب يعني اهل ستره الله ميته
صاحت يعباس الگوم ماخلو احجاب
وي الفجر ياجيدوم يردوني للشام
راح الخدر والرتله......ضيعنه طف النايبه
من هجمت الخيل
التعلیقات