شوك الخطوه - فيديو (مكتوبة) - محمد باقر الخاقاني
شوک الخطوه(مکتوبة)
الرادود: محمد باقر الخاقاني
شوگ الخطوه ينقري ماينسمع
واليحديني بالمشي هوه الدمع
مثل الشمعه ابچي واحترگ عليه
حلاته بلايه صوتي تنبچي الشمع
اليعشگ كربله الهضم يحلاله
يقره الفاتحه على راحت باله
جرح المحترگ يفز وي نوحه
يحس بالخيمه اقرب من خياله
الحب والراحه مايوالمن سوه
جسم اللي نحبه بالفله انچوه
عل دنيه الرخيصه وسفه ينهضم
دنيه من الهضيمه بيها نينوه
ابا عبد الله..حسين
يبن اليكرم ويبيع بلا ثمن
مولاي عله جاهك البچي انضمن
حد مانوصل لظريحك الشريف
عله كل خطوه نشكرك مقدما
ونسجد سجدة الشكر لعيونك
تدري اغله امنيات اللي يگصدونك
خطوه بخطوه ننجرح لخيامك
دمعه بدمعه ننهظم لعيونك
المشي ديني وعقيده مو ممارسه
مثل الدمعه خطوه الك مقدسه
وين اليتبع الضعن مشي ولطم
ومحد عل البواچي الك ينافسه
أبا عبد الله... حسين
عفت الدنيه كلها سيدي بگفاي
وجيت ودمعة الندم تخط وراي
بعدها تاكل بدليلي ياحسين
تعطش وانته بكثر ديره بيها ماي
وي روحي طاعه تنجمع يم بابك
انه ودمعي ننزل عله اعتابك
ورجوع الفطره للاصل يامولاي
بشمه وشهگه من عبير ترابك
ابچي وكل خدمتي الك مقصره
مو قدرك دمعتي من تصب تره
ونته لحزنك ومصابك انبچن
دمعة اشرف واجل واحن مره
أبا عبد الله... حسين
حب غيرك مثل مواسم السنه
وحبك عل بواجي وحزنك انبنه
ثمن المحبه ينحني الضهر عليك
مثل ماضهر رقيه بالبچي نحنه
يبقه لوحده بوسط عدوانه
گبال عيونه ينهب صيوانه
العنده اثمنطعش اخو بالحومه
تالي تصير اله الغرب دفانه
يا اول جرح عشگته بي ضمه
وبي دمعة غريبه تجري بي دمه
ابقه اصرخ حسين حسين حسين حسين
يا اجمل عشگ يبچي فاطمه
أبا عبد الله... حسين
التعلیقات