علي راح ومكانة الخالي موجود - فيديو (مكتوبة) - باسم الكربلائي
علي راح(مكتوبة)
الرادود: باسم الكربلائي
علي من مات ظل مستاحش الليل
والكون ارتبك واتحير امره .
عين السمه بفگده اتدمع نجوم
وبصدر الصخر مخنوگه عبره.
وبجت دم عينه بالتشييع جبريل
لحد ماصارت جناحاته حمره.
كلشي بهذيج الليله بي موت
كل خطوة جدم جواهه عثره.
بصوت الريح تسمع ينعه رادود
البلابل مقتل عللشجره تقره.
وامان الدنيه شارد يلتفت خوف
لان مايعرف المن ينطي ظهره.
مشه كلشي وي ابو الحسنين جناز
واتوقف نظام الكون فتره.
موكب للهوه و موكب للنده وغيم
موكب للورد من دون عطره.
گلب المشوا بالتشييع مكسور
اثر خطواتهم عالگاع عبره.
الما تلگه عله ظهره تثار زنجيل
اكيد براسه تلگه اثار طبره.
نعش لمن طلع من عتبة البيت
بقت من عين زينب فوگه نظره.
علي باحساس زينب تارك اثار
زارع للمحنه البيهه بذره.
عله ريحة جفه تشتم قبضه السيف
عله صوت البلهوه دورلهه نبره.
ومصلايته المفروشه بالبيت
مالمتهه گالت تبقه ذكره.
علي من دونه ماتتخيل الليل
ليله من الصعب تحويهه فكره.
مر فصل الخريف بكلشي بي روح
بحيث الدنيا كلهه صارت صفره.
كانك راح تسمع نفخة الصور
الجبال ابتدت توگع صخره صخره.
العالم كلهه صار بزاويه موت
بقت بينه و بين النهايه شعره.
علي راح ومكانه الخالي موجود
ترك بعيون اليتانونه ثغره.
علي راح وبقت محتاره الايتام
لان بين اليتامه وبينه عشره.
بنوا باهاتهم قبه ومنارات
وبدمعاتهم سووله حضره.
ظلوا مثل زينب عگب الحسين
بس اليختلف ماراحوا اسرى.
التعلیقات