ياطفلي المحبوب - فيديو (مكتوبة) - باسم الكربلائي

طفل المحبوب(مكتوبة)

الرادود: باسم الكربلائي

بيك أيام عمري سعيدة ..
يالـ هليت دنيا جديدة ..
يا اللي صفيت من عمري عيده ..
يا طفلي المحبوب .. يا طفلي المحبوب ..

يا ريحانة عمري الـ يجري يسقيك من الروح ..
يا فرحة و هلت بسنيني يا بلسم الجروح ..
لحسين نذرتك يا وليدي وردة حب تفوح ..
و بحب العترة الميمونة و بحب طه تبوح ..
هم تدري يا ابني بيتك قلبي و عيوني الـ ترعاك ..
انت عيون قلبي و ضواهـا .. بيك الروح خضر مناها ..
يوم الفرح باسمك نعيده .. يا طفلي المحبوب ..

يا شمعة بيتي الـ ما تطفى منها البدر يغار ..
من تناديني يا بابا قلبي يصير أوتـار ..
يغني حجاياتك يعزفها و يرددها الدار ..
ضحكاتك حلوة و نعشقها كلنا صغار كبار ..
كلنا نحبك نلهج و الباري سلوى سواك ..
يا اللي العين تربي على دربك .. فرحانين بيك و نحبك ..
قلبي صرت انت نشيده .. يا طفلي المحبوب ..

خادم ردتك لابن الزهراء روحك تفديها ..
يا اللي علمتك حب العترة نورتك بيها ..
كل سنينك لو رادوها الهم تنطيها ..
خلي لسانك ليل نهار بس يلهج بيها ..
بس العترة هناك تفيدك و حيدر يتلقاك ..
يا ابني هناك عترة محمد .. تنجيك ما يفيدك أحد ..
الـ عاف حسين محد يفيده .. يا طفلي المحبوب ..

يا ابني و حصنتك بالاكبر من شر عين الناس ..
و بزينب حصنتك يا ابني بحسين و عباس ..
اخدمهم و انصرهم حتى تظل مرفوع الراس ..
و الـ كل حر بهاي الدنيا خدمتهم مقياس ..
ما ربيتك صدق آنا حسين اللي رباك ..
حق عليك توفي بوعوده .. و تنهض دوم نهضة جنوده ..
اهديتك اله أحلى قصيدة .. يا طفلي المحبوب ..