وين أنت - فيديو (مكتوبة) - باسم الكربلائي

 

 

وين إنت ولا شفتك
شفت بس العذر يچوي
ولا چنک هذاك الچان
يجاوب قبل لا أنوي
چنت لو غمضت عيني
أشوفك كل كتر تضوي
وين إنت يصل الصل
لا بدر اليشع لا ظل
دسولف سكتتك تكتل
سولف حتى افرش لك روحي
لا تسكت يا ملح جروحي

أخلي اذني على شفافك
بلكت باقية حچاية
سكوتك مثل سوط اعداك
من يلزق بمقفايه
جبت لك دمعة من سكنة
و جمرة خيم وياية
يكافلنا وغوها البِل
علينا الحادي مستعجل
بچيت و شامت يهلهل
ضحكوا من شافوا طولي
ها يخت الكافل قالولي

وينك يا جبير الفي
يا فص الذهب بالعوز
ساكت مستحي مني
لو كاره قعدتي يجوز
إذا تسألني عن حسين
راسه من القفه محزوز
دخلها يا قمر سكتة
قلت مو هو من شفته
موذر عالأرض عفته
يالكافل بابن امي شصاير
وبصدره الحافر يم حافر

چفوفك من شلتهن ليش
لحظة و يوقعن مني
لازم شافن دموعي
من الشمر شتمني
أنا وسكينة ورقية
أحاميهن و يحمني
الما عندها زلم تفزع
تظل تسكت و تتقبع
يخي سوط الشمر يلسع
والأصعب حط عينه بعيني
يعرف يا جلمة تأذيني

شتقول العالمنية نوخوها
يعباس الهزايل نوخوها
المثلي شلون تنطق نوخوها
وقع جلدي و عباتي ملزمة بيه

أفتري يا سفن همي وجدماي
إجيتك جيت الضامي وجدماي
لون تقعد أدق طولي وجدماي
لحد ما يطلع السباح بيه

أشوفن مهر ابن جوشن تره الشام
و اعرفك حرق خيمتنا تره الشام
أشد من وقعتي يمك تره الشام
سرور يزيد من أدخل سبية

يكافل دمعة عتابي تراجيت
ولا تنسى شكثر يمك تراجيت
و ذكرك يوم نتلاقى تراجيت
أخاف تقول ما مرت عليه

 

للشاعر : سيد عبدالخالق المحنة