لطمية يبن الحسن مكتوبة
الرادود باسم الكربلائي
یمته یالغایب ترفرف رایتك
بالنجف وعليك تلتم شيعتك
مولاي يبن الحسن
رجواي يبن الحسن
علیك تلتم شيعتك يبن الحسن
سيدي ونرتاح من هاي ةالفتن
والله يالمهدي شبعنه من المحن
يمته نخلص واحنه ذمه برگبتك
مولاي يبن الحسن
رجواي يبن الحسن
یمته یالغایب نشوفك بالنجف
تخطب علينه وعلى المنبر تگف
واحنه نهتم بیك يانعم الخلف
يابقية الله نسمع خطبتك
مولاي يبن الحسن
رجواي يبن الحسن
یمته یالمحجوب يانسل الطهر
من عگب لیل الظلم فجرك يطر
تصبح وچفك يسل سيف النصر
وتگلب عروش الطغاة بنهضتك
مولاي يبن الحسن
رجواي يبن الحسن
سيدي وذاك الوكت بيك ايحله
من تنادي وصوتك ايسد الفله
يالثارات الذبيح ابكربله
وتطوي جيشك للطفوف بحملتك
مولاي يبن الحسن
رجواي يبن الحسن
شلون حالك من تصل وادي طفوف
وللمصارع ذيچ بعیونك تشوف
ولوشفت عباس مگطوع الچفوف
وحاله یالمهدي يذوب مهجتك
مولاي يبن الحسن
رجواي يبن الحسن
عمك العباس ياراعي الشيم
عله النهر مطروح وبعينه السهم
چفوفه یمه مگطعه ویمه العلم
والعمود براس ابوفاضل فتك
مولاي يبن الحسن
رجواي يبن الحسن
هاي صوره تشوفها وصوره بعد
اكثر واكثر يبوصالح واشد
فوگ صدر حسین طفل البالمهد
تشوفه مذبوح ویزود ونتك
مولاي يابن الحسن
رجواي يابن الحسن
واليزيدك سيدي هموم وقهر
من تشوف حسين مگطوع النحر
جالت الخیل عله صدره والظهر
هالمصیبه علیها تسچب دمعتك
مولاي يبن الحسن
رجواي يبن الحسن
والمصيبه المنها يلتاع الگلب
من مشت زینب یسيره ویه الغرب
ريت كون تشوفها بذاك الدرب
بولية العدوان راحت عمتك
مولاي يبن الحسن
رجواي يبن الحسن
للشاعر : سيد جاسم الطويرجاوي
التعلیقات