يموعود - فيديو (مكتوبة) - باسم الكربلائي
القصيدة : يموعود
الشاعر : سيد معتز سلام الحسيني
الرادود : الحاج ملا باسم الكربلائی
المناسبة : الليالي الفاطمية 1440
هيئة الزهراء للعزاء المركزي - النجف الأشرف
يمَوعود يمتة نوُصل فاطمة
******
الشوك يِكبر كل مسية والصبر اَذانة
يَمتة نمشي نزور امك وانتة تمشي ويانة
ومنْ بعيد اعلة المنارة نشوفة رف لوانة
نوُصل ونلكة كبرها اِمفتحة بيبانة
يمَوعود والجفن ينزف دمة
******
كل صلاة ندعي لضهورك والحزن مالينة
اعلة كبر الزهرة يمتة سَيدي تدلينة
الينتضر صَعبة يكابر مايعوف ونينة
والصبر حقة يسألك يمتة يامهدينة
يموعود اِعليك حماي الحمة
******
العمر بينة بسرعة عدة وانكضت ايامة
جم كلب راسم لقائك حلم من احلامة
يمتة يم باب الزجية كلبي يحجي الامة
وجوكة جوكة يم كبرها انضر اللطامة
يموعود روحي تبقة هايمة
******
كوم اخذ ثارك يغايب تنتضر انصارك
ضلع امك لسة ينزف يلة سل بتارك
ينحرك دارة التعدة وكصد يحرك دارك
يلة شيل الراية بيدك هذا موعد ثارك
يموعود خَلها تبدي الملحمة
******
سيدي هواي انتضرنة وعذبتة الحسرة
عدنة عاشوراء ثاني اسمة ضلع الزهرة
راية العباس باجر ترف فوك الحضرة
والبقيع يصير اَلنة ياامام الفقرة
يموعود انت مسك الخاتمة
******
مَشي لكبر الزهرة باجر بالدمع نتعنة
نريد بس نندل كبرها عدنة هاي الجنة
باجر تطب المواكب بالحزن والونة
ويلي عالزهرة نردد والقهر يلجمنة
يموعود تسال اَملاك السمة
التعلیقات