نار الأحزان - فيديو (مكتوبة) - باسم الكربلائي

القصيدة : نار الاحزان

الشاعر : ناظم الحاشي

 ليلة 25 ربيع الثاني 1439 _ لندن

نار الأحزان یزهراء أحس بیها

بین الضلوع ولا ماي یطفیها

کل الجروح بالجروح اداویها

▪️▪️▪️▪️▪️

کسر الضلوع بالضلوع جمر یسري

نار الدموع بالخدود نهر یجري

واشتعل نار علی الثار ولو ادري

صاحب الثار علی الثار یداعیها

▪️▪️▪️▪️▪️

بیت الاحزان یزهراء یظل بیتي

وانتي بالروح هوی الروح تسميتي

عني مايوم يزهراء تخليتي

من اناديچ بالاهوال تحضریها

▪️▪️▪️▪️▪️

مايگدرون یغیرون عشگ روحي

لو يظلون يدوسون على جروحي

یدرون حبچ ماي يروي سفوحي

كوثر يصير على الحوض يرويها

▪️▪️▪️▪️▪️

انتي بالعين احس بيچ ضوه عیوني

فاگد الروح بلیاچ یسموني

والله هيهات يگدرون یمنعوني

عنچ بیوم وانا اعداچ لعادیها

▪️▪️▪️▪️▪️

هذا للموت عهد موت ولاخونه

حزني بجفاچ ولا ناس يحزنونه

گلبي مجروح يزهراء يعرفونه

عيني الدموع بالفراگ تسلیها

▪️▪️▪️▪️▪️

اني ماريد ولاريد عشگ ثاني

واسمچ آیات تراتیل علی الساني

عمري يفديچ وانا ادري عمر فاني

لجلچ اعمار یزهراء اضحیها

▪️▪️▪️▪️▪️

المهدي بالسيف يزهراء يرد ثاره

يندم الراح على الباب شعل ناره

ماتفيده التعذر تره اعذاره

تصفه بيدك قضيتك يمهديها

▪️▪️▪️▪️▪️