ويلي على المسموم - فيديو (مكتوبة) - باسم الكربلائي
قصيدة : شـالوا الجنازه و الوديعه اتصيح يحسين
الشاعر : الأديب المرحوم الملا عطية الجمري
الرادود : الحاج ملا باسم الكربلائی
شـالوا الجنازه و الوديعه اتصيح يحسين...بـجنازة الـمسموم ريّض يا ضيا العين
******
ريّـض يـبو سكنه بنعش حلو الجهامه...و نـشروا عْـلى تابوته لمشكّر هلعمامه
سـفروا الجفن عن وجهه اتشوفه ايتامه...ودّعـتك الله يـا حـسن هالسّفر لاوين
******
ريّـض يـبو سكنه ابجنازة حلو لَطباع...وعـرّج ابتابوته عْلى مكسورة الاضلاع
وخـلّه على الرّوضه وخلنا انجدّد اوداع...وقّـف يـخويه ذابـت اقلوب النّساوين
******
عـرّج عـلى قـبر البتوله بنعش ابنها...و قـبره يـخويه لا تـحفره ابعيد عنها
دفـنه ابـكترها بـلكت ايـهوّن حزنها...لا ويـن مـاشي بـكعبة الـوفّاد يحسين
******
ريّـض يـخويه ابهالنّعش قلبي ترا ذاب...جـسمي انتحل يابوعلي من فراق لحباب
مـقصد الـوافد حيف نوره بالثّرا غاب...عـنّا مـشى مـلفى الأرامل والمساكين
******
وظـل الـشّهيد حـسين عـبراته يهلها...ايـشوف الـعزيزه و قلبه اتْصدّع لجلها
صاح اطرحوا اجنازة عزيزي عند اهلها...حطّوا النّعش و اتصارخت ذيج الخواتين
******
دارت عـلى نعشه الحريم و قام لصياح...وامن اخوته ابكثر البواجي غابت ارواح
كـلمن طلع من منزله فوق النّعش طاح...و حـسين يـتلهّف و يصفج راح ليدين
التعلیقات