عذبني حزني عليك (مكتوبة) - باسم الكربلائي

 

 

يا غالي واغلى من النفس يالعايش بوجداني
وشمرخص الدنيا الك وارخصتلك شباني

عذبني حزني عليك
شيبني حزني عليك

يالهدمت بيتي علي واسلبت كل افكاري
وليلي يمر بيه بكدر والهم يمر بنهاري
لا ناري تحرگ دمعتي ولا دمعي يخمد ناري
وواسيت دمك يولدي بدمع العيون الجاري
يا شمس عمري الغايبة مظلمه اخلافك داري
شيفيد دمعي الما گدر يخمد لهب نيراني

اتحالفت أيام الدهر واخذتك من بين ايدي
وشبيدي آه و دنيتي ذبحت ترافة عيدي
بهالحالة من بعدك صرت صار الهظم تعويدي
روحي مثل شمعة بهوه ساعة وطفت يوليدي
وما غير اسمك عالثره وحيف النحب تغريدي
ولون ردت تنشد عليّ بدرب الحزن تلگاني

وكل عمري ذاكه اللي مضه وكل ما يجي من عمري
مرخوص الك يبن النبي يا نبع عيني اليجري
ولا صبري طاوع هالگلب لا گلبي طاوع صبري
عگبك بگيت بدنيتي محيره وذاهل فكري
عن داري واحزانه وهضم گلبي وشرارة جمري
وبفرگتك تطفه وتشب بالگلب نار احزاني

منذوره روحي للهظم سلوه الهظم صار الها
وجمر المصاب الـ بالجبد وهالجمره من يحملها
يحسين وجروح الگلب يوليدي منهو يشلها
وهاك اخذ روحي الهايمه وعن فرگتك اسألها
لو ترضى بنفسي بلحد ويم جثتك اندبها
من گبل دفنك بالگبر ريت يحظر دفاني

للشاعر : جابر الكاظمي