خدمة المواكب(مكتوبة)
الرادود: السيد فاقد الموسوي
موكب ما بي تقييد .. موكب بكل شي تريد
موكب ما بي تقييد .. موكب بكل شي تريد
ما عندهم خسارة .. خدام الزيارة
موكب ما بي تقييد
بس استراح مروتك حتى ارتواسي
شنو تريد بخدمتك انطيك من حيلي
ما اريد منك بس طلب لمن توصل ادعيلي
هلا هلا هلا جيتك كبيرة
هلا هلا هلا بعين الاسيرة
چنك عشيرة .. إي چنك عشيرة
ما اريد يجازوني .. للزاير يعرفوني
للعمى انطي عيوني بثواب الخيار
بالخدمة هذا مرادي .. متبرع بولادي
ماخذ وصية جدادي للموت خدام
من العام انا متانيك .. من العام اتوسل بيك
من العام روحي برجليك
يا اجمل تجارة .. خدام الزيارة
واقف الك جوه الشمس وبروحي تانيتك
محضر الك كل راحتك على الراس خليتك
موكبنا كله بخدمتك اعتبره چن بيتك
هلا هلا هلا بس مر علينا
هلا هلا هلا مشرف المدينة
كل شي بيدينا .. هلا هلا هلا
مر بيا شوف علومي .. لحسين ناذر يومي
ما عندي بيع هدومي جيتك ها
جربني مرة وشوفني ما راح لحظة تعوفني
خيمة وبيدي تروفني من تقعد وياي
ارتاح بالك تتعب .. ارتاح واذكر زينب
ارتاح لا تتعجب
بي تلقى الغيارى .. خدام الزيارة
من كل مكان استقبلك ما افرق بواحد
من الصبح حد الصبح بالخدمة لا گاعد
بهالموكب انا كل سنة ويا حسين متواعد
هلا هلا هلا بشيخ المواكب
هلا هلا هلا بالعده واجب
بثار الله كاتب .. هلا هلا هلا
قدمنا غمض رمشي .. بعيوني اوزع كل شي
كل الهلا باليمشي ما اسأل منين
بوية كل الطوائف عندي بهذا الطريق تعدي
مشاية وية المهدي خدام الحسين
امشي وعيوني وياك .. امشي وصلي لهناك
امشي والعلن بعداك .. لحسين انتصارة
خدام الزيارة .. موكب ما بي تقييد
هذا المشي الگلك شنو خليته بجيوبك
لا تجاوب اليطغى لأن حرملة مو ثوبك
بس گله من أجل الحسين استر على عيوبك
هلا هلا هلا بجية الحسيني
هلا هلا هلا بالمال عيني
الرايد يجيني .. هلا هلا هلا
لا تسمع أي حكاية من ناس مو وفاية
كلما تعلي الراية حدرك يصيرون
والحاقدين انساهم خلي الحسين وياهم
خالي يظل مگفاهم وبظهرك عمون
انت الحسين يتلقاك .. انت زينب بمگفاك
انت العباس وياك .. ما تطفى الشرارة
خدام الزيارة .. موكب ما بي تقييد
لو صاح آذان استعد للواجب تحضر
بالك ترى بقطع الصلاة ينزف دم المنحر
لمن تصلي بكل وقت يم الله لك منبر
هلا هلا هلا براية رزقنا
هلا هلا هلا بخدمك شرفنا
بجية سلمنا .. هلا هلا هلا
خلي الصلاة عنوانك .. شجع عليها اخوانك
من الغيبة كف لسانك لا تلجم جراح
لا تنسى المشاوية فزعة ولاية ولاية
لا تطعن المشاية ما يرضى عباس
زاير حط الله بعينك .. زاير لا تفشل حسينك
زاير صون النساوين .. كل موكب منارة
خدام الزيارة .. موكب ما بي تقييد
