هنيال كلبة(مكتوبة)
الرادود: السيد فاقد الموسوي
جينا نشوفك.. راح نعوفك
أقعد أقعد لوداع الضعن گول حكاية
يمكن هايه.. جيت الأخيرة
لگبرك يا الحسن جينا نشوفك
أمشّي عليك زينب.. گوم ويايه
أمشّي عليك ضلع أمي وبناتي
كل ما أريد أگلك خويه ماشي
تگف كلمة "خويه" بلهاتي
أقعد محتار حسين.. شِيخلص هايه البلوة؟
مثل الطير المذبوح.. يم گبرك گمت أتلّوى
باچر ما أموت بسيف.. يگتلني فراگ الخوّة
شصارت روحي؟.. ها يا جروحي
وأنت وأنت جرحي مو سهل.. خلقة صدري وكسرة ظهري
ذني ما يطيبن إلا ترد عدل
جينا نشوفك.. راح نعوفك
أقعد أقعد لوداع الضعن گول حكاية
يمكن هايه.. جيت الأخيرة
لگبرك يا الحسن جينا نشوفك
مثل أمي چنت تدعيلي وتگول:
"اسم الله عليك من الغاضرية"
گوم اشبگني هسه.. باچر الخيل
تترس يا الحسن گاع الله بيه
باچر لو تدري شلون.. صدر حسينك يتكسر
تسحگ من راس الخيل.. توصل رجليه وتفتر
وأزحف والجيش يصيح.. "لازم كلك تتطشر"
گائم طايح.. بالدم سابح
خويه خويه باچر بالخيل والحافر حافر
يسحگ باچر.. صدر صدر صدري.. حيهم يا أهلي
جينا نشوفك.. راح نعوفك
أقعد أقعد لوداع الضعن گول حكاية
يمكن هايه.. جيت الأخيرة
لگبرك يا الحسن جينا نشوفك
باچر يا الحسن.. عباسك يطيح
وهنا كسرة حسين چبيرة
الما تنحمل.. بلوة السجاد
منّي يلم الحسين بحصيرة
موقف يهضمني هواي.. ويشيب گلبي وراسي
من يمسحون السيف.. باچر من دم عباسي
من يگطعون چفوف.. يعني يگطعون أنفاسي
كل عدواني.. يم صيواني
باچر على زينب يدوي مخيمي وبين الظامي
وخيل مية تشرب من العلقمي
جينا نشوفك.. راح نعوفك
أقعد أقعد لوداع الضعن كول حكاية
يمكن هايه.. جيت الأخيرة
لگبرك يا الحسن جينا نشوفك
باچر يا الحسن محتاجك وياي
تعاوني على الأكبر وعلى جاسم
من توگف ساعة تعطل الخيل
وزينب ساعة ما تسمع شتايم
بالطف تلاثة نصير.. هايه أتمناها من الله
عباس يجيب الماي.. وأنت تشرب عبد الله
ولو فز واحد بالليل.. تلاثتنا نگول اسم الله
باسمه صارت.. دنيا ودارت
باچر بضعنا ما يسلم طفل وأهل الكوفة
خدر تشوفه.. وزينب العزيزة تصعد على الهزل
جينا نشوفك.. راح نعوفك
أقعد أقعد لوداع الضعن كول حكاية
يمكن هايه.. جيت الأخيرة
لگبرك يا الحسن جينا نشوفك
