قصيدة : علي يامن قلعت الباب
الشاعر : السيد عبدالخالق المحنه
المناسبة : ليلة ٢٠ محرم ١٤٣٩ العاشور

علی يامن قلعت الباب
باب الگبر متقلعه
اقلعه و اگصد الزينب
عليها الناس مجتمعه
******
علي يا حاضر الشدات
زينب وگعت ابشده
های امخدرتکم ليش
عليها الشمر يتعده
اخوها احسين عالتربان
او عباس انگطع زَنده
ضلت بين هذا او ذاك
صدت للنجف تنخاك
روح او سيفک ابيمناك
******
یصگار الزلم يا حيد
هاذی ساعة الفزعه
يصگار الزلم للطف
اگصد زينب الحُرّه
شوف اوليدك العطشان
منو الی گطع نحره
يحيدر گوم رد الخيل
خيل الداست ابصدره
زينب ياعلي ابيا حال
عدهه اطفال عدها اعيال
تريدك ياعلي خيال
******
اجاهه الشمر بيده السوط
اريد ابچفک اتصفعه
اجاهه الشمر بيده السوط
يتمرجل عليه ايريد
و ابو فاضل بلايه اچفوف
شعاتب و العتب شيفيد
تصفگ ايد فوگ الايد
زينب ياعلی شتريد
ريدك بيدك الفقار
تحضرهه او تطفی النار
وينک ها يحامي الجار
******
زينب يمك او تنخاك
و عرفك صوتهه اتسمعه
يحامي الجار زينب هاي
ليش الشمر سلبهه
ذاکه ايشتم الزهره
او ذاکه ابسوطه عذبهه
ثارات ابدر و حنين
حان اليوم مطلبهه
او گللها التمت اعليهه
غريبه او طاح واليهه
يحيدر الحگ اعليهه
******
تره اليضربهه متنهه ابسوط
محد غيرك ايمنعه
يبو الحسنين اگصدهه
هاي الخيل و الجيمان
محد غيرك ایردهه
تره زينب وحيده اليوم
غيرك ياعلي اشعدها
يم احسين هسه اتلوع
باوع خنصره المگطوع
او راسه اعله الرمح مرفوع
تنادي يا بنی هاشم بس الراح شيرجعه

اتصل بنا

من نحن

الكل