يوسف اخوته
calendar_month 2021-08-21 play_arrow 398 الاستماع

يوسف اخوته - مكتوبة

الشاعر : السيد سعيد الصافي الرميثي

 

يــوســف  إخــوتــه...تــتـمـنـه مـوتـه
و حـسـيـن إخـوتـه إتـخـضـبـت ...قـبله بدماها
******
ناس  اللي عدها إنصاف...و من الجليل إتخاف...عادل حمكمها
مـعـنـه الإخـوه إتـقول...بالمنطق المعقول...وارد فهمها
و  الـفـتـنه  و التفريق...عد يوسف الصديق...تركت ألمها
طـبـع  الحسد  شيطان ...و يفرق الإخوان...و الحب يلمها
و حسين إخوته إتشوف...عطشانه جتها إسيوف...يرويها دمها
أربـع زلـم و الـصوت...واحد يلبي الموت...إبساحة قيمها
ولــد  الــصــمــيـده ...رمـز الـعـقـيـده
جـدام  إخـوهـا إتـقـدمـت...ثـبـتـت وفـاهـا
******
دور الأم إيـقـولـون ...طول الزمن مضمون ...يترك أثرها
إتـقـرب اليصير إبعيد ...إتلم الشمل و إتريد...تاخذ أجرها
و هـذا الـمـثل يا ناس...عن طيبة أم عباس...طيلة عمرها
و  أم الـبـنـيـن إسباع...رضعتهم بأطباع...تروي خبرها
طـاعتها للمعصوم ...خلت ذكرها إيدوم...و نحجي إبفخرها
رادت  تـوفي الدين ...شجرة وفه و لحسين ...و إنطت ثمرها
والأم نــعــدهــا...قــدوه إبــمــجـدهـا
نِــعــم  الأم و مــا قــصـرت و الله بـربـاهـا
******
يوسف نبي و إشلون ...موته إعله خوته إيهون...إنظر حسدها
مـن  دبـتـه لـلـبير...تتمنه مثله إتصير...ظهرت حقدها
و  مـا  عنده كل إذنوب...عد والده محبوب...و مأمنه عدها
و حـسـيـن إخوته إدروس...للغيره و الناموس...لمن نعدها
و بـإسـمـه ما نادوه...و بخطوه ما سبقوه...إتوده و يودها
إخـوة وفـه و إيمان ...و طف كربله البرهان...يذكر مجدها
وصــاهــا أبــوهــا...إبــطـاعـة أخـوهـا
إبـخـدمـة  ولـيـهـا إتـشـرفـت ...بـلغت علاها
******
يـوم  الـوداع  الصار...و ضعن الإخو من سار...من المدينه
أمـهـم  تـصـيـح اليوم...يوم الوفه المعلوم...لليوفي دينه
صـاحـوا  يـالـتـنادين...يا  أمنه شتردين ...أمرج علينه
لـحـسين إخونه إجنود...و الخبر ليش إيعود ...وكت الوفينه
خـدام  أبـو الـسجاد...نفدي له كلما راد ...عزنه وولينه
يـوم الـحرب لو دار ...توصل لج الأخبار...و إفتخري بينه
إنــطــت  عــهــدهــا ...ووفـت وعـدهـا
بـأشـرف وسـام إتـوسـمـت...نـالـت رضـاهـا
******
صـاحـت يـضي دنياي...يوليدي يا وفاي...و نور القبيله
هـاي إخـتـك الـوياك...و إمسلمه بيمناك...هاي العقيله
مـن  يـطـلع  المضعون...سفرتكم إيقولون ...سفره طويله
لـمـن أظـل بـالـدار...أتـنطر الأخبار...دم دمع أسيله
جـاوبها  راعي الزود...حامي الضعن موجود ...و آنه كفيله
آنـه إبـنج العباس...بالشده رفعت راس...و عندي الفضيله
و إجــفــوف إيــديــه...تـشـهـد عـلـيـه
و لـو جـان عـيـنـي إتـصـوبـت ...يـكبر ضواها

تعليقات

لإرسال تعليق یجب أن تسجل في الموقع

محرم الحرام 1443 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x