يختلف لونه هلالك
calendar_month 2012-11-17 play_arrow 784 الاستماع

يختلف لونه هلالك - مكتوبة

القصيدة : يختلف لونه هلالك
الشاعر : سيد عبدالخالق المحنة

الرادود : الحاج ملا بلاسم الكربلائي
 المناسبة : ١ هلال محرم


يختلف لونه هلالك يا شهر
ما نشاهد غير حسرات و قهر
******
أنظر إوداع و مدامع بالسمه
و أنظـر إغيوم الحزن تمطر دمه
جم ضلع تكسر بعد من فاطمه
غير ضلع اللي وره الباب إنكسر
******
آه يا شهر الأبد مالك مثل
بيك شاهدت السهم يذبح طفل
بيك أشوفن نار و إخيام و جتل
تدري بمصابك يفت حته الحجر
******
بيك أشاهد جود و إزنود و علم
عالشريعه و عين مصيوبه إبسهم
و أنظر حسين إنحنه من الألم
منكسر ظهره و يصيح إعله النهر
******
بيك أشوف حسين نايم عالثره
و الشمر قاعد يحز إبمنحره
و المصيبه إشلون قطعوا خنصره
ليش مو كافي الضمه و قطع النحر
******
آه يمحرم سبب كل لوعتي
و أنظر الزينب تنادي يخوتي
إشلون عفتوني وحيده إبغربتي
هذا حالي و الكفل خدري إعتذر
******
من يهل إهلالك الزينب أحن
و ألطم إعله الراس و أتحسر و أون
أبجي و أنعه و ألبس إهدوم الحزن
يا هلال إبزينب إشسوه الدهر
******
يا شهر يالبيك زينب تنسبي
لا عقيل إوياها ظل و طالبي
إتلوعت بهلالك إعيال النبي
والله من طاريك دلالي إنفطر

تعليقات

لإرسال تعليق یجب أن تسجل في الموقع

محرم الحرام 1434 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x