يا محمد
calendar_month 2019-06-27 play_arrow 326 الاستماع

يا محمد - مكتوبة

القصيدة : يا محمد فاطمة ظلموها
الشاعر : سجاد علاء المحمداوي

الرادود : الحاج ملا باسم الكربلائی
 المناسبة : الليالي الفاطمية الثالثة 1440
المکان : ديوان الكفيل - لندن

 يامُحمَّد فــاطِمَّة ضِلموها
والأمانَــة اِلگُوم ماصانُوها
******
والله بـَـعــدَك يارســـول المَرحَمَة
إعيون فاطِم يِجرن إدموع اُو دِمَـة
فــاطمة إخلافـك أبد مـو فاطــمـة
إبلاية رحمة إنعِصرَت اُو شِتموها
******
يـا مُحـمَّـد بـابهـة مِــن إنــدِفَـــع
وِگـعَـت اِلمظلومة والمحسن وگع
عَرش رب الكُـون عالزهرة إنفِجَّع
والملائِك نِزلَوا إيواسُوها
******
اِلوديعــة إعيونهــة تِـتجارة دَم
اشگد گلبهة يانبي الكون إنلِچَم
رَدَّت أصحـابك مُحـمَّد للصَنَــم
مانِسُوهة الچانوا إيعبدوها
******
غَمَّضِتهَا اعيونك اُو صار إنقلاب
والأَسَـد بإغـيابك إتگَودَة الذياب
يامُصاب المثلة ماصاير مُـصـاب
بيت حيدر حُرمِتَة هِـتكُوها
******
اِبيا وكت مكيود أمير المؤمنين
بيت حيدر مهبط الوحي الأمين
هذا بيـت اِيحبة رب العالمـيـن
اشلون بابة إبنارهُم حِرگُوها
******
اِيساعد الله اِشلون شَيَعهة الولي
إيصيح يالزهرة مـنو بعدچ إلــي
والله دِنيَة اُو مِنكِسِر ظَهرة علـي
زَّهرَة وأَصحاب الغَدِر گِطعوها
******
اِبـ هالفعايـل غاية عِدهُم يالبشير
حـيدر الكــرار مـا يريدونة أمــيـــر
لكن الاول يضل والكُل أخــيـــر
احچاية هاية او لازم إيفهموها

تعليقات

لإرسال تعليق یجب أن تسجل في الموقع

صوتيات 1440 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x