قصيدة: فاطمة ويانه

للشاعر : علي الخفاجي

١٤ جمادى الأول ١٤٣٩ _ العاشور

فاطمة ويانه تقيم ..... هاي الشعائر

⁦▪️⁩⁦▪️⁩⁦▪️⁩⁦▪️⁩⁦▪️⁩

من زينب احنه و فاطمة اتعلمنه

 خط الشعائر يبقى يسري بدمنه

شيعة علي و كلشي لعلي قدمنه

ميهمنه  لو نخلص ذبح ميهمنه

يالزهره كلنه نصيح .... فدوة المناحر

⁦▪️⁩⁦▪️⁩⁦▪️⁩⁦▪️⁩⁦▪️⁩

لابد نصيح و يسمع العادانه

منبر حسين اعله الشرف ربانه

هاي الشعائر نرخصلها ادمانه

و اللي يحاربنا نقص السانه

ما سكت بالتاريخ .... صوت المنابر

⁦▪️⁩⁦▪️⁩⁦▪️⁩⁦▪️⁩⁦▪️⁩

ما نجوز من هذا الامر و نعوفه

لو طاح كل شيعي و قطعتوا جفوفه

عباس علمنه بنشيد حروفه

شباج ابو اليمه ابدمعنه نطوفه

كربله للاجيال .... ثورة ضماير

⁦▪️⁩⁦▪️⁩⁦▪️⁩⁦▪️⁩⁦▪️⁩

صوت المواكب و اللطم يجمعنه

شيعة و الف حجاج ما يمنعنه

خل اليعادينه يجي و يسمعنه

لحسين من يوم المهد وقعنه

للأمم قبر حسين ..... ثورة مشاعر

⁦▪️⁩⁦▪️⁩⁦▪️⁩⁦▪️⁩⁦▪️⁩

خدامك احنه اعله العهد تلقاها

و بمحبتك رب العرش وصاها

ما تنسه ثارك شيعتك معناها

جلمة خلود و للزمن نقراها

لا تظن يالمحبوب .... عنك تهاجر

⁦▪️⁩⁦▪️⁩⁦▪️⁩⁦▪️⁩⁦▪️⁩

اخذوها هاي قلوبنا و شوفوها

و احيوا الشعائر للابد احيوها

كربله البيها حسين ما يمحوها

يا شيعته ابكل اللغات احجوها

ما بدر عن حسين ..... يمنعنه كافر

⁦▪️⁩⁦▪️⁩⁦▪️⁩⁦▪️⁩⁦▪️⁩

وي مجلسك عشرة عمر يدروني

و الناس خادم منبرك سموني

هيهات عنك سيدي يبعدونه

انعه المصابك حتى لو ذبحوني

حتى اقهر الشمات .... لجلك اكابر

⁦▪️⁩⁦▪️⁩⁦▪️⁩⁦▪️⁩⁦▪️⁩

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x