عالظلمها ناقمه
calendar_month 2019-05-26 play_arrow 277 الاستماع

عالظلمها ناقمه - مكتوبة

القصيدة : عالظلمها ناقمه
الشاعر : علي الخفاجي

الرادود : الحاج ملا باسم الكربلائی
المناسبة : الليالي الفاطمية الثانية


عالظلمها ناقمه فاطمه يا فاطمه
******
گوم وأطلب ثار أمك وأمرك أحنه نطيعه
وحاكم الكسروا ضلعها يا غياث الشيعه
يمته نمشي بدين جدك وبحكم تشريعه
أحنه عاهدنه الصميده ومانخون البيعه
كل يزيد نحاكمه فاطمه يا فاطمه
******
يا حليف الصبر يمك بالدمع نادينه
وهذا صوت من الضماير صاح يامهدينه
أحنه وي چف المنايه لجلك إتلاوينه
صاحوا المهدي خرافه مايجيكم وينه
ياسليل الغانمه فاطمه يا فاطمه
******
أنت هيبتنه وذخرنه وشيعتك وفايه
لو تطيح إچفوف إدينه ما تطيح الرايه
للبقيع شوكت نوصل سيدي مشايه
أحنه يم فاطمه الزهره نقيم ردنه قرايه
للشهيده العالمه فاطمه يا فاطمه
******
ردنه صوتك يابوصالح تنفجر صرخاته
يمته من جامع السهله نستمـع كلماته
يمته يسرج خيل نصره ويعتني براياته
كربله كربله الغايه ويوصل الغاياته
بيها شافت ملحمه فاطمه يا فاطمه
******
ياضمـير الدنيه سولف وأعتني المحبوبك
سيدي وثار الزچيه بالدهر مطلوبك
موقف ضلوع البتول يصير بين هدوبك
وعلى مصاب الغاضريه أسود أصبغ ثوبك
تجري دمعاتك دمه فاطمه يا فاطمه
******
جرد سيوف المنايه وإعتني الأحبابك
بالوطن عدنه نشامه وگفت عله عتابك
صيح يا جدي إجيت بهلمسيه البابك
للأبد كربله تبقى ومايطيب صوابك
صاحت بنار الضمه فاطمه يا فاطمه
******
إعتني الكربله بروحك وبضمير إحساسك
هاي گاع الغاضريه بيها عطر أنفاسك
أعلا من أرماح أميه يبقى عالي راسك
كل زمن فوگ الشريعه ينتظر عباسك
يمته يوصل قائمه. فاطمه يا فاطمه

تعليقات

لإرسال تعليق یجب أن تسجل في الموقع

صوتيات 1440 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x