شيعة علي الوفاية
calendar_month 2012-11-17 play_arrow 1024 الاستماع

شيعة علي الوفاية - مكتوبة

قصيدة : يـالـتـنشد إعلينه إمنين
الشاعر : السيد عبدالخالق المحنّه
الرادود : الحاج ملا باسم الکربلائی

 

يـالـتـنشد إعلينه إمنين شيعة علي الوفايه
******
تـقـرانـه  عبر التاريخ يوم الصعب تلقانه
لا مـا نـمـيـل إويه الريح لا ننغر إبديانه
إحـنـه  البحر من إيهيج و إندوخ السفانه
مـن  الـضـماير  تنباع إحنه النظل شرايه
******
عاشرنه  و إتأكد زين أهل الشرف و النخوه
طيبه  ووفاء و إخلاص غيره و كرم و إمروه
نـعشق  علي داحي الباب غيره أبد ما نهوه
تـذكـرنـه خيبر لليوم إحنه الرفعنه الرايه
******
تـعـرفنه من حب حسين ما ننسه لو حبينه
ضـحـينه مال و أولاد و إعله العهد ظلينه
بـالأربـعينيه إتشوف حاضرنه وي ماضينه
مـهـمـا كثر بينه الموت نوصل إله مشايه
******
لا  تـسـمع إمن العدوان المسأله و ما بيها
لا مـا نـجامل و إنخاف و العدنه ما نخفيها
قـائدنه  حيدر للموت هاي إبشرف نحجيها
كـلمتنه  متصير  إثنين عدنه الوعود إحجايه
******
شـيـعـيه أرضي و إسماي ميه خذن بالميه
حـب  الشمس للكرار يعني الشمس شيعيه
يـالـتـنشد إعليه إمنين سيف النصر بيديه
آنـي  الحقيقه و ههيات ما تلقه مثلي إهوايه
******
آنا الحجيت إبلا خوف و الباقي كلهم سكته
مـا  أسمع الهذا و ذاك و الطاغي ما صافحته
لـمـن وصل نحري السيف متبسم إستقبلته
عـنواني  خادم  الحسين و الغايه أشرف غايه

تعليقات

لإرسال تعليق یجب أن تسجل في الموقع

محرم الحرام 1434 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x