سافر
calendar_month 2011-10-26 play_arrow 1282 الاستماع

سافر - مكتوبة

 قصيدة : سـافـر  عـزيـز الـزهـراء

للشاعر : الأديب أبو فاطمة العبودي

الرادود : الحاج ملا باسم الكربلائی

 

سـافـر  عـزيـز الـزهـراء لـلـغـاضرية ... وياه بنيني الطيبين هاي المسية
مــن ودعــونــي تــمــنــيــت ... ســاعــة مــمـاتـي
******
انـه  ام الـبـنـيـن وهـاج بقليبي حنينه ... لمن شاهدت والله هالسور الحزينة
سـافـر  لـلـطفوف  حسين عن ارض المدينة ... بيها راية التوحيد خفاقه بيمينه
ولـدي  الاربـعـة ويـاه يحرسون الضعينة ... انظر فاجعة عاشور مرسومه بجبينه
عـنـي  مـشـوا واويـلاه كـلهم سويه ... ادري بسفرهم يردون درب المنيه
لــحــظــة ســفــرهــم حـسـيـت ... سـاعـة مـمـاتـي
******
احـداث الـوداع الـيوم بعيوني شفتها ... كلها بصفحة الاحزان بدموعي كتبتها
بـسـمـة عمري والفرحة وياهم ودعتها ... صعبة فركة الاحباب وشلون حملتها
بـس  عـنـي ظعنهم غاب غربتهم عشتها ... بيوت الناح بالاهات اقسم شيدتها
عـيـنـي  فـلا مرها النوم من ودعوني ... بعمري عشت افجع يوم بيه فاركوني
خــتــمــت حــيــاتــي يــاريــت ... سـاعـة مـمـاتـي
******
ادري عني لارض الموت ناوين بسفرهم ... على عيوني بقت يا ناس مطبوعه صورهم
روحـي فـارقـتني تريد تتبع اثرهم ... ولدي بكل شي من دنياي اتنفس عطرهم
انسى جروحي والالام من اسمع اسمهم ... راح ابقى على جمر الشوق يوميه انتظرهم
دمـعي  على فراق حسين ما نشف دمعي ... بعده ولتني الحسبات واختلف وضعي
وافــتــنــي بــعــده ووافــيــت ... ســاعـة مـمـاتـي
******
حـيـن  الـسافروا  عني صورت المصيبة ... شلون الغاضرية تصير والحالة الرهيبة
صـورت الـحـسـيـن يطيح خدينه تريبه ... عالغبرة يظل مطروح وثيابه سليبه
زيـنـب  من بعد عينه عكبه تظل غريبه ... قلبي على المصايب هاي ما يقطع نحيبه
هـذي  الـصـور والاحداث صارت كبالي ... حكي لون احتاريت وانشغل بالي
انــحــب واتــانــي ظــلــيــت ... ســاعــة مـمـاتـي
******
جـن اتـصـور الـعباس نايم عالشريعة ... عينه وهامته مصيوب وجفوفه كطيعه
عندي  من  علي اخبار تروي لي الفجيعة ... اولادي فدى يرحون دون ابن الشفيعة
دم  دمـوم جـفـني تسيل لحسين ورضيعه ... يالتسمع مصابي كوم للاجيال ذيعه
ذبـحـوا بـنـيـنـي الـعدوان وشظل اليه ... ظلوا جثث عالتربان اهل الحمية
يــاريــت تــقــرب يــاريــت ... ســاعــة مــمــاتـي

تعليقات

لإرسال تعليق یجب أن تسجل في الموقع
account_circle

الصوت الجري

منذ 11 سنة

السلام عليكم بارك الله فيكم

thumb_down
0
thumb_up
0

إصدار بني هاشم

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x