رايتك يا عباس ما طيحوها
calendar_month 2014-01-12 play_arrow 1607 الاستماع

رايتك يا عباس ما طيحوها - مكتوبة

قصيدة : رايتك يعباس ما طيحوها

للشاعر : السيد سعيد الصافي الرميثي

الرادود : الحاج ملا باسم الكربلائی

رايتك     يعباس     ما    طيحوها
حملتك       يعباس       يتذكروها
******
راية   شجاعه  و  جسّدت  يقينك
مثل   الجبل   جانت   على  يمينك
آية    شهامه    انكتبت   ابجبينك
نِعمَ   المحامي  الدافعت  عن  دينك
آيتك     يعباس     ما     فسروها
******
كل  الخصال  العد  علي خصالك
يالما    يصح    بين    الزلم   مثالك
ينزل   غضب  كل  هاشم  بنزالك
راسم  عله  اعيون الشمس خيالك
صورتك    يعباس    ما    صوروها
******
يا   معجزة   موسه   ابزمن  فرعونه
يا  عضد  اخوك الأصبحت هارونه
يا   يوسف   القرت  أخوته  اعيونه
بذلة   دماها  و  مو  طبعها  اتخونه
طاعتك    يعباس    ما    خالفوها
******
هالموقف    يريد    العقل    نقاشه
بوجودك   اشلون   الحرم   عطاشه
تبدي  إعتذارك  يا بو فاضل حاشه
جيش   اللزم   حد   النهر  تلاشه
هيبتك    يعباس    من   شاهدوها
******
خيل   و   زلم  عالمشرعه  اقصدتها
روس  و  عله  إرماح  الندم  شفتها
مثل   البرق  حين  الذي  اخطفتها
تترادم     بلايه     وعي    اجعلتها
صيحتك    يعباس    من   اسمعوها
******
زينب تحشمك خويه صاحت عونك
يا  كافل  إختك  فنهم  اينحرونك
غيضك  شرار  اتجادح امن اعيونك
هون   علينه   ادخيلك   اينادونك
نادتك     يعباس    زينب    يخوها
******
روس   الذي  موسم  ذبح  صفرها
منتظره    سيفك    يعتني    يكرها
تقدر   تلمها   و   تقدر  اتطشرها
ذكّرها     عباس    ابعلي    ذكّرها
غيرتك    يعباس   آيه   و   قروها

تعليقات

لإرسال تعليق یجب أن تسجل في الموقع

محرم الحرام 1435 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x