دمنه واحد
calendar_month 2021-02-03 play_arrow 350 الاستماع

دمنه واحد - مكتوبة

الشاعر : الأدیب ناظم الحاشی

 

دمنه واحد...و ما يقبل القسمه على اثنين
دمنه واحد...دم محمد يعني دمي و دم الحسين
دمنه من ظهر الظهر...إلى المهدي المنتظر...دمنه واحد
******
حبنه عالعالم فرض...بالسمه و أهل الأرض...و البغضنه...و اليضدنه...هذا ملعون
نفرك اخشوم الزلم...نهزم و ما ننهزم...و بنصرنه...و بقدرنه...الكل يشهدون
من نطب سوح الحرب...بينه يسهل كل صعب...و التحدي...و التصدي...بينه مقرون
احنه طلاب الشهادة بشدة الموت...و احنه صوت الناس يوم المنعوا الصوت
يا صبرنه...من صبر بت حيدر المسبية للشام
يا صبرنه...من صبر دمع اليتامه و حرق الخيام
حبنه للجنة سفر...إلى المهدي المنتظر...دمنه واحد
******
عدنه ميراث النبي...رغم أنف الناصبي...و المخالف...هوه عارف...تالي خسران
و السلب حق فاطمه...من العصابه المجرمه...يبقه حاقد...ضده شاهد...بيت الأحزان
و السلب حقنه و نهب...خان جدنه ابلا سبب...مو خليفة...و السقيفة...أتباع شيطان
ما نبايع غير حيدر يا موالين...صاحب الراية العظيمة بيوم صفين
بإسمه نشهد...بس علي الكامل بعد هيبة محمد
بإسمه نشهد...هوه أمير المؤمنين غيره محد
نتبع الإثنا عشر...إلى المهدي المنتظر...دمنه واحد
******
احنه نور ابكل ضوه...و عطر لليشتم هوه...من نبينه...من علينه...هاي الأوصاف
كل مصابيح السمه...من علي و من فاطمه...نور ربنه...و اليحبنه...بوجهه ينشاف
بينه صوت الحق شهد...قل هو اللهُ أحد...للجلالة...و العدالة...عدنه الأعراف
و الحرمنه بيوم عاشر شربة الماي...آخره و دنيه يوادم ذلته بهاي
و النكرنه...ينكر اشما نزلت امن الباري آيات
و النكرنه...ناكر الدين و نكر رب السماوات
ينكر اليوم الأغر...إلى المهدي المنتظر...دمنه واحد
******
بينه باء البسمله...قبلة الله بكربله...و احنه آية...للهداية...و احنه نبراس
لو قرب يوم الأجل...حبنه بيبان الأمل...بالمصايب...و النوايب...نحضر الناس
عدنه هيبة حيدره...و منا سبع القنطره...الصعبة سهله...اتصير لجله...اليدعي عباس
هذا بو الغيرة العظيمة الوفه لحسين...انطه نحره و انطه عينه و انطه جفين
و الشهادة...هيه مقياس الزلم لو عزت الروح
و الشهادة...تبقه عنوان الصبر للطاح مذبوح
و هيه مقياس الظفر...إلى المهدي المنتظر...دمنه واحد  

تعليقات

لإرسال تعليق یجب أن تسجل في الموقع

شهر محرم الحرام 1439 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x