دمعة بعيوني
calendar_month 2017-10-15 play_arrow 266 الاستماع

دمعة بعيوني - مكتوبة

قصيدة : شافوا دمعه بعيوني

للشاعر : أبو علي الناصري

الرادود : الحاج ملا جلیل الکربلائي

شافوا دمعه بعيوني...عليمن تبجي نشدوني

******

يهالتنشد أمر هالدمعه مو يمي...لا بيدي عواطف دمعتي و دمي

سبب من الحليب الراضعه من أمي...عرفته من قبل ما أسمع بإسمي

مغرم لا تلوموني...عليمن تبجي نشدوني

******

جنت آنا بحضنها تبجي و تنعه...إذا قاري بمصيبة كربله اتسمعه

على خدها تسيل الوالدة الدمعه...تجري اويه الحليب و روحي اترضعه

بوجهها شابحه اعيوني...عليمن تبجي نشدوني

******

جانت من تهز مهدي يهيج إحساس...تتذكر رضيع حسين يا هالناس

تقطمني و تظل تبجي و تدق عالراس...تذكر قطعت اجفوف القمر عباس

هلي عالدمعه فطموني...عليمن تبجي نشدوني

******

مشيت ووالدي بيدي يمشيني...لابس ثوب الأسود شافته عيني

المجالس فاطمه الزهره يوديني...بثواب الدمعه و الخدمه يوصيني

و ناس اللي يشوفوني...عليمن تبجي نشدوني

******

مرت عالمحبه و هالولاء اسنين...وبدت هالدمعه تكبر وي جفن العين

تهمل من يمر اسم الشهيد حسين...يهالتنشد أصلها اعرفته جاي امنين

بحزني و نوحي خلوني...عليمن تبجي نشدوني

******

حسين اتهيم روحي من يمر اسمه...من أهلي ورثت الدمعه و الخدمه

قليل بحقه كل هذا الذي انقدمه...العالم ما يعادل قطره من دمه

أخدمه و كلها يدروني...عليمن تبجي نشدوني

تعليقات

لإرسال تعليق یجب أن تسجل في الموقع

محرم الحرام 1439 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x