خويه الليل ادري بيك يفجعني
calendar_month 2011-06-07 play_arrow 634 الاستماع

خويه الليل ادري بيك يفجعني - مكتوبة

قصيدة : خـويـه  الـلـيل ادري بيك يفجعني
للشاعر : السيد سعد الذبحاوي

الرادود : الحاج ملا باسم الكربلائی

 

خـويـه  الـلـيل ادري بيك يفجعني *** وانت اتريد هالليلة تودعني
بـحـمـاك بـس هـالـلـيـلـة ** ويـاك بـس هـالـلـيلة
******
هـذا  الليل  صبحة اعلينا هل بين **** وسهم الموت لفادي ابعجل عين
اتـمـحـن يـخـوية اخلافك اتمحن **** على بختك يخوية لا تضيعني
بـحـمـاك بـس هـالـلـيـلـة ** ويـاك بـس هـالـلـيلة
******
اشـوف الـلـيل يطوي صفحة ايامي **** يغربني وضل ابمحنة ايتامي
واتـروح الـليالي الحلوة واحلامي **** بعد المن اصيحن يا هو يسمعني
بـحـمـاك بـس هـالـلـيـلـة ** ويـاك بـس هـالـلـيلة
******
تريد  اتروح باصرني يخوية حسين **** انه اختك بعد عينيك اروحن وين
مـالـي حـيـل عالتوديع لا تمكين *** بعد ما ظن زماني اوياك يجمعني
بـحـمـاك بـس هـالـلـيـلـة ** ويـاك بـس هـالـلـيلة
******
شـيـمتكم اظن ما ترضى اتغرب *** خدري اشلون لوترحون يتسلب
صـحت  بحماكم آنه ام الخدر زينب *** ومنهو اوياي يبقى من يرجعني
بـحـمـاك بـس هـالـلـيـلـة ** ويـاك بـس هـالـلـيلة
******
حسبتوا احساب يهلي للصبح لو طر **** حسبتوا وين امشي انا والخدر
اشوف  الموت  خويه اعلى الخيم يفتر **** الخيل الخيل من تهجم تروعني
بـحـمـاك  بـس هـالـلـيـلـة ** ويـاك بـس هـالـيـلة
******
مـا جان اعلى بالي هالوعد ما جان *** غريبة لا خدر لا هيبة لاصيوان
واتـيـسـر  يخوتي وافتر البلدان **** اخوتي اشلون بين العدى اتغربني
بـحـمـاك بـس هـالـلـيـلـة ** ويـاك بـس هـالـلـيلة
******
اخـير  اوداع  خل اشبع نظر منكم **** تودعوني يخوتي وخل اودعكم
تـضـيـعوني  وسافه وآنه اضيعكم **** واعداكم اشوفن من تسلبني
بـحـمـاك بـس هـالـلـيـلـة ** ويـاك بـس هـالـلـيلة
******
شـيـفيد  اعتاب لو نتعاتب الليلة **** وآنه ادري تصير ابرقبتي العيلة
اظـل وحدي وياهو المنكم اشكي له *** ودهري ابكربلاء منكم يخيبني
بـحـمـاك بـس هـالـلـيـلـة ** ويـاك بـس هـالـلـيلة

تعليقات

لإرسال تعليق یجب أن تسجل في الموقع

انتاج شبكة رافـد

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x