جريمة قتل
calendar_month 2016-03-26 play_arrow 425 الاستماع

جريمة قتل - مكتوبة

قصيدة : جريمة قتل

الشاعر : سید عبدالخالق المحنه

??????

عندنا جریمة قتل ناتجها ام او طفل

و الجاني رد یعترف واحنا فتحنا سجل

??????

فتحنا سجلهم  رؤوس الجریمه

اخذنا اعترافات خطیره او الیمه

یشرحون تفاصيل جنایه عظیمه

علیمن هجمتو علی حرمه و یتیمه

کلمن روی قصته عن هجمته او غایته

فعل او فعل یختلف و احنه فتحنا سجل

??????

شخص گال انا اللي اشعلت نار على الباب

حرگته و دخلنا و لا چان بالحساب

لگیت الزجیه ورا الباب بلا احجاب

تنادی یبویه ولونه  هالاعراب

گال انا شفت العجب وجه  البتول انضرب

چفی سفعها صلف واحنا فتحنا سجل

??????

شخص گال ورا الباب تلاوذ شفتها

ترا الباب ثگیله او علیها ادفعته

عصرتها و لحد ما تون سمعتها

تگلي علیمن و  وانا هاجمتها

انی اعصرتهابقهر و اسمع ظلعها انکسر

انا الولى ومایعف و احنه فتحنا سجل

??????

یگول صفعتها او شفت دم بيديه

آثار  الدماء من جفنها الزچية

اسبها كانها غريبة و سبية

تگلی حجابی و گلها شعليه

سبیت ابوها و بچت و تحسرت ما حچت

خفت الارض تنخسف و احنه فتحنا سجل

??????

شخص گال  شفتها و شفت غيم حزنها

زحف تمشی و اتگوم  تدور على ابنها

اجه قنفذ ابسوط رغم دم جفنها

ولاها و ضربها غدا ازرق متنها

واحد دفعها برمح یسطرها فوگ الجرح

احنا نکرنه العرف و احنا فتحنه سجل

??????

شخص گال شفتها توزع نظرها

لحیدر لفظه  لابنها و كسرها

اختلط دم جفنها مع دم صدرها

صدر صابه بسمار لمن ذالک عصرها

عل حایط انظر دمه کسروا ظهر فاطمه

انظرها راحت زحف و احنه فتحنه سجل

??????

 شخص گال انا ثاني اثنین اجوها

ودیعة رسول الله لا ترحموها

اذا صاحت انا الزچیه اضربوها

تگیدون بعلها و تشتمون ابوها

عندی گلب ناصبی اکسر ضلوع النبی

خلی الحقد ینکشف احنه فتحنه سجل

??????

اکو  واحد يصیح ابشري یا زهراء

گیدنه ابو احسین و لامن ینصره

ابچي على حسین و انظري على نحره

باچر  نذبحه و ندوس على صدره

زینب یجیها الشمر واشکم ظهر ینکسر 

قصتها ما تنوصف و احنه فتحنه سجل

??????

تعليقات

لإرسال تعليق یجب أن تسجل في الموقع

صوتيات 1437 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x