قصیدة : توضت زينب بدمعه

للشاعر : السيد عبد الخالق المحنّه

  الرادود : الحاج ملا باسم الكربلائی

 

توضت زينب بدمعه و لكن يا صلاه حلّت...صلاة بنية مسافر نشوف اشكم فرض صلّت
فروض اهواي...احسبو اوياي
*****
عله ارماد الخيم صلت نوت بجفوفها الزرقه...دخان و خيمة العباس آخر خيمه محترقه
جلوس اتصلي يم النار لجنها اهوايه مختنقه...تشاهد بين نار و نار نهاية شمعه معتلقه
فرض كم سجده ما أذكر أحسب و انشغل بالي...لجن آخر سجود إلها سجدت يم مهد خالي
بدت من هاي...احسبو اوياي
*****
فرض بين الخيم و الماي تصلي و الدمع هامل...تصلي و كبرن جفين هذني اجفوف أبو فاضل
طويلة سجدة المهضوم و أنا وياها متفاعل...يا إلهي بوجه زينب ليش جف صاعد جف نازل
شفتها تلطم بحرقه و أحير اشلون أوصفها...كأنها ويه كل لطمه وجهها يوقع بجفها
بعد يمناي...احسبو اوياي
*****
فرض ثالث نوت عالماي نعم أطول فرض شفته...تصلي و القمر محراب فرش صدره بصلاة أخته
بكثر تسبيحة الزهرة لطمها و هي شابكته...متنها من نزف دمه جرت نهرين خاصرته
تقله بداعتي اقعد جسم عباس ظل يهتز...لمن قامت أحس عباس يريد ايقوم بس يعجز
فرض عالماي...احسبو اوياي
*****
وقوفاً صلت الرابع لأن جان الشمر يمها...ضربها بغضاً بعباس تطيح و صوته يلزمها
إذا تلفظ حرف واحد ألف مره يشتّمها...اهيه اتحشم الكافل و أبو فاضل يحشمها
دخيلج لا تخلينه يشوف ادموعج و يفرح...تره ضحكاته تاذيني أشد من لحظة المذبح
بلا حماي...احسبو اوياي
*****
فرض خامس شفت صلت تسعمية و ألف سجده...تخلي بكل جرح دمعه تخلي بكل كسر شده
صعوبه تبوسه من صدره لأن فوق الصدر جبده...تبده الجسم مثل الماي تشبقه تشوفه يتبده
تعد اشكم عضو رايح عظام اهواية مطشره...و المثلث أخذ قطعه و أصابع تسعه مو عشره
يبعد اعضاي...احسبو اوياي
*****
بعد صلت فرض سادس لجن متحيره و تفتر...تحب حسينها العاري و هي تحب الحجاب أكثر
تغطيه بالرمل لولاه تعوفه امكشف ابهالحر...أخيراً جابت الرايه و غطت بيها بو الأكبر
حوافر خيلهم حمره إذاً مصبوغه من دمه...و لا عنده عظم صاحي ثلث ما باقي من جسمه
صحت بهداي...احسبو اوياي
*****
فرض سابع عله الهزل حرارة صيف ظهرية...صلاه جانت فرد سجده لأن صلتها محنية
رقية اتناشد سكينه سبية تحاجي مسبية...تقلها عمتي هذي يسكنه ما أظن هية
تميل الروس وياها إذا مالت و إذا تندب...وقع راس القمر مره سمع زينب عليه تعتب
فرض بسباي...احسبو اوياي
*****
فرض ثامن و أريد أختم أحس زينب تقول ارجع...تقلي كثّر أشعارك يطيب خاطري المدمع
يشاعر قول أخت عباس غصب بين الزلم تطلع...أريد اتحشم المهدي يصيح بثاري من يفزع
أريد الهوسه بالممشه ها يمشّاية...تسلم زينب اعليكم خصوصاً شايل الرايه
فرض ممشاي...احسبو اوياي  

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x