تنذبح ظامي
calendar_month 2013-11-03 play_arrow 710 الاستماع

تنذبح ظامي - مكتوبة

قصیدة : تنذبح ظامي

️الشاعر : الأديب الحاج جابر الكاظمي

  الرادود : الحاج ملا باسم الكربلائي 

 

تنذبح ظامي .. خابت احلامي
وانة جانت ظنتي .. انت تحضر دفنتي
آه آه آه يابني
******
ياعطر زهرة حياتي ويانسيم اللي يمر ... يابني يالاكبر
بعيني ظل يمرح خيالك يامن تركت الجمر ... بالكلب يسعر
يالمتت ظامي وعفتي ظايعة بكاع الصبر ... بيمن اتصبر
حسبت و خلص عمري انت تحفر لي الكبر ... وللدفت تحضر
ياوسف تالي ... ضاعت آمالي
جنت اظن يامنيتي ... ات تحضر دفنتي
آه آه آه يابني
******
جيتك لمصرعك يبني لن اشوفك منذبح ... وكعدت يمك
تخيلت جدك محمد علترب دمة يسح ... من شفت دمك
حرت ياطبرة اشدهة وراح اضمد ياجرح ... حايرة بجسمك
شما اضمد جرح منك جرح ثاني يفتح ... يابعد امك
تنزف جروحك ... غيبوا روحك
حسبت ياضنوتي ... انت تحضر دفنتي
آه آه آه يابني
******
غسلت ياوليدي جسمك من دمع عيني اليصب ... يابعد عمري
واكطعت كلبي بيدية ويمك انثرت الكلب ... والدمع يجري
ريت لا ينحفر كبرت ليت يابني بهل الترب ... ينحفر كبري
انت بالمصر يلاكبر وانة بديار الغرب ... حايرة بأمري
بلوعة مصابي ... وجمرة صوابي
جنت اريد بموتتي ... انت تحضر دفنتي
آه آه آه يابني
******
يابني كل حسبة حسبتهة طلعت بعكس الجمع ... واختلف حالي
كلت افرح تالي عمري لني بس اجري الدمع ... يابني يل غالي
كلت من تكبر تسرني لن اشوفك منصرع ... وطايح كبالي
كلت انت الوالي عندي تالي صرت بهل الوضي ... انا ما إلي والي
جانت ضنوني ... من يدفنوني
انت تحفر حفرتي ... انت تحضر دفنتي
آه آه آه يابني
******
يابني يا اشبه الوادم بالنبي سيد البشر ... وجهك اليسطع
بينك وبين ابو اليمة حيرة حيرني الدهر ... كلمن بمصرع
مرة يم حسين اروحن وامسح دموم النحر ... جسمة لموزع
مرة يم جسمك يلاكبر ارجع بنوح وقهر ... واسفح المدمع
ويرجع حسابي ... لساعت غيابي
من اودع دنيتي ... انت تحضر دفنتي
آه آه آه يابني
******
ماجنت ادري يعذب هاكثر فكد الابن ... دمعتي تـخبرك
لمن فكتك عرفتة وعرفت معنى الحزن ... وفكدت بدرك
توذر على الكاع جسمك بين طبرات وطعن ... وانكطع نـحرك
ريت ذباحك ذبـحني وريت وياك اندفن ... واسكن بكبرك
ظاعت سنيني ... وانت تدريني
هاذي يابني غايتي ... انت تحضر دفنتي
آه آه آه يابني

تعليقات

لإرسال تعليق یجب أن تسجل في الموقع

إصدار كربلاء

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x