قصيدة : بيدي سبحة وقاعده بمحرابي

للشاعر : محمد الفاطمي

داخل القصيدة : علامات_الفجر

 ليلة ٢ جمادى الثاني ١٤٣٩هـ | بغداد

بيدي سبحة و قاعده بمحرابي

و نية الشيطان يحرق بابي

قمت للباب بورع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

خرزه خرزه استغفرت ربي العظيم

هاي دقت بابي مو من جف يتيم

عذت بالله من الشيطان الرجيم

و قلت بسم الله الرحمن الرحيم

و اسمع الاول يقل للثاني

حرق باب الله فعل شيطاني

قله للثاني و سمع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

جان فوق الباب اكو عش للحمام

حسين يسمع صوتهن يالله ينام

خفت يوقع قلت يا رب الأنام

تجعل النيران برداً و سلام

السمه صاحت وحق دمعة عينج

حرق باب البيت يحفظ دينج

صوت الاذان ارتفع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

بقيت أدعي و اقره آيات الكتاب

و قمت أسولف وي زينب عالحجاب

بيومها بنيتي لبوي أطبخ ثواب

ضلعي يكرم عمره ما رجعله باب

الدلة تفرح لو چِوُوُهَا بنارها

و بابنه الما جَوَّعَت بِسمارها

أكل من ضلعي و شبع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

جرح قلبي امن اسمعت كلمة وإن

ما نشف صبري لجن فاض الحزن

ردت أطمن روحي بس بيش اطمئن

قبل دفعة بابي ظل ضلعي يون

انه بت من و العده يضربوني

الزلم بالسوط اعتنت لمتوني

السوط بمتوني انطبع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

فضه صاحت ها يبت سيد البشر

بعز شبابج ليش محنية الظهر

سنديني وخدي ينطيج الخبر

انكسر قلبي وخاطري وضلعي انكسر

دمعي غالي و طاح دمعي الغالي

و دمعة الكرار تتراوالي

و الدمع كله فزع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

و الوصية الجتفت جف ذو الفقار

و الصبر بالشده معناها انتصار

محسن ابدمي و احس بي كله ثار

صحت ينبي و صاح ها يا يمه صار

حس بالمناغاة البينه و بيني

لمن راد الثاني يسطر عيني

فزع محسن ما وقع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

كلهن اصبرت لهن بعزة و اباء

من خذوا حيدر صرخت بهالنداء

خلوا ابن عمي إذا اصد للسماء

و ارفع الشيلة تره و أدعي بدعاء

نسيت كلشي و صحت حيدر وينه

اصبر و اسكت الخاطر عينه

من الصبر جفه وقع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

ببابي جف الهادي جم شمعة علق

من قبل ما سامعه ابباب احترق

و انه متعوده تجي اببابي الخلق

بين طبعة حنة لو شدة علق

و الأجوني من اسمعت اصواتهم

جنها سطرة عيني ابيناتهم

مدري يا خد انصفع

لكن الباب اندفع

⁦▪️⁩⁦▪️⁩⁦▪️⁩⁦▪️⁩⁦▪️⁩

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x