اليوم لنا يا ابتاه وغدا عند رسول الله
calendar_month 2011-11-06 play_arrow 1118 الاستماع

اليوم لنا يا ابتاه وغدا عند رسول الله - مكتوبة

الـيـومُ لـنـا يا أبتاه ..... و غداً عند رسولِ الله
لــيــلــةُ  مـأسـات ..... يـا حـيـدر
تــجــري الـعـبـرات ..... يـا حـيـدر

زيـنـب  آنه  و هاي اولادك اتريد اتودعك يا كرار
بـس  هـذا  الـيوم انت ويانه باجر تقصد للمختار
الـيـوم  الدار  ابنورك تزهي باجر ظلمه اتصير الدار
وشـتـنـفع  دنيانه اخلافك لا طالت ريت الأعمار
بدموع شجونٍ و مصاب ..... نبكيك شهيدَ المحراب
و الــمــخــلـوقـات ..... يـا حـيـدر
تــجــري الـعـبـرات ..... يـا حـيـدر

بـسـمـا  ظعن  الليل ايطوح من بعدك نصبح أيتام
بـاجـر عينك تغفه ابقبرك و اشلون النه اعيون اتنام
دهـر الـشوم اعلينه امسدد و ايصوبنه ابسبع اسهام
محنه  و لوعه و شهقه و دمعه و نوح و أشجان و آلام
الـيـوم  وداعٍ و عناق ..... و غداً عبراتٌ و فراق
عــنــد  الآهــات ..... يــا حــيـدر
تــجــري الـعـبـرات ..... يـا حـيـدر

كـل  قـطره دم ابشرياني ريت انسفكت قبل ادماك
مـا  أدري اشلون أقدر أصبر لو شفت اترابك واراك
ابـقـبـرك يـا ريت اينزلوني و أتوسد يا بويه اوياك
و  لا شوفك غايب عن عيني ولا أجرع غصت فرقاك
قـبـرك في قلبي محفور ..... و جعلتُ عيوني كافور
و  مــع الــزفــرات ..... يــا حـيـدر
تــجــري الـعـبـرات ..... يـا حـيـدر

دم  راسـك  يا بويه اليجري واسيته ابدمعي المسفوح
و  اصـواب  الصابك يا حيدر واسيته ابقلبي المجروح
مـو بس روحي اتنوح الفقدك محرابك هم ظل اينوح
كـل قـطره دم منك سالت تركت آثار اعله اللوح
يـنـعى فقدك جبرائيل ..... و بكى مقتلكَ الإنجيل
و كــذا الــتــورات ..... يــا حـيـدر
تــجــري الـعـبـرات ..... يـا حـيـدر

مـن  بـعدك يتفجر دمعي تنشف موجات الإحسان
و  عـيـن الحرست دين الباري باجر تغمض بالتربان
كـل ذره ابـهـا الكون اتنادي يا كعبة أهل الإيمان
ابـهـذا الـعـالـم ما يتكرر يا حيدرمثلك إنسان
و  أنـا أبـكي و اناديك ..... قذيت عينٌ لا تبكيك
تــعــلــو الأصـوات ..... يـا حـيـدر
تــجــري الـعـبـرات ..... يـا حـيـدر

طـيفك  عايش بين اعيوني لاجن شخصك عني ابعيد
لا  يـنـفع  بغيابك صبري و لا دمعات اعيوني اتفيد
بـويه  و  ما تممت اصيامك هذي اخلت دمعي ايزيد
اشلون أفرح و أستبشر بعدك و اشلون أستقبل هالعيد
آهٍ  مـن قـوم جهلوك ..... في شهرِ الطاعة قتلوك
عــيــنُ  الآيــات ..... يــا حــيـدر
تــجــري الـعـبـرات ..... يـا حـيـدر

يا  من عشت اوياك اسنيني عطفك جان ايعيش اوياي
و  الـيـوم امصابك أوحى لي آخر ليله ابعمرك هاي
و بـاجـر مـن تقصد للزهره خبرها ابلوعت دنياي
و إخـذ الـهـا نياشين المحنه من قلبي و دمعة عيناي
أبـتـاه  خـذ  للزهراء ..... من عيني دمع الأرزاء
تــلــك الـصـرخـات ..... يـا حـيـدر
تــجــري الـعـبـرات ..... يـا حـيـدر

تعليقات

لإرسال تعليق یجب أن تسجل في الموقع

شهر رمضان الكريم 1417 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x