القصیدة : الباب يشهد
الشاعر : علي السعيدي

الرادود : الحاج ملا بلاسم الكربلائي
ليلة 17 جمادي الأولى 1441

ساحة الشهداء المركزية-البصرة

 

أويلاه يا فاطمه
على مصاب حامي الحمة
******
الباب يشهد عن فعل عدوانهه
وباچر اليشهد حطب نيرانهه
******
باب فاطم يعني باب الله الچبير
يعني بلأبواب ما مثله نضير
الهجمو أعله الباب لاذمه وضمير
باب فضلهَ أختلف عن بيبانهه
******
أختلف هذا الباب والتشهد عدول
وحده عالكعبه يظل باب البتول
ربك الي قرر ووصه الرسول
وتهدم أبواب الخلگ بنيانهه
******
لحكمهَ ربك وصهَ فضّل بابهه
راد للكعبه يشّرف أعتابهه
أحجاب بيت الله يصير أحجابهه
ركن صار الباب من أركانهه
******
ركن من أركان بيت الله أندفع
والجنين الطاح دين الله وگع
السوه هذا الفعل يعني ماسمع
يوم من وصه النبي لأحسانهه
******
نار تشهد والشهاده تصير نار
أتگله ياربي الهتك حرمة الدار
الثاني والأول أهل هذا القرار
ناس باعت بالرخص وجدانهه
******
ناس باعت دينهه بأرخص ثمن
السطر خد الدين خد أم الحسن
گالو الزهراء گاللهم وأن
الوصه بيهه أتعمدو نسيانهه
******
عالوصيه أتعمد يشب الحطب
وعلى وجنة فاطمه عمداً ضرب
يدري لو غضبت عرش ربك غضب
صار يتسله بنظر دخانهه
******
أسود الدخان ناره موجّره
علي ما موجود يم فاطم دره
چان يدري الدار مابيه حيدره
والله لو حاضر گطع ذرعانهه

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x