قصیدة : أسد الله و سيفي أسد

الشاعر : ميرزا عادل أشكناني

الرادود : الحاج ملا باسم الكربلائی

 

أسد الله و سيفي أسد...و انتي هم تدرين

لو أسل بتاري أبد...ما يظل الدين

يالوديعة و كيفج بعد...قول شتأمرين

لو أسكت قهر...لو أنهض أمر...قاسيت الأمّرين

سيفي ينتظر...من عندج أمر...فصلي ابين الأمرين

ليه أشري...اختاري و قرري...وحدة من الأثنين

دين الله يظل...لو يرجع هُبل...كيفج يم الحسين

هالأمر عالأمة اشتبك...ما تشوف النور

هذا دين الله عالمحك...و الوضع مخطور

هذا اسرافيل استعد...ينزل ابهالحين

يالوديعة و كيفج بعد...قول شتأمرين

أنا حيدره...بيميني تره...مطوية السماوات

كلشي بقبضتي...و بجف راحتي...تفّتر المجرات

لو ردتي أهد...حسبي كل فرد...من تعداد الأموات

و أقسم لج قسم...أكسر كل صنم...و أمحي العزة و اللآت

إلج أكسر راس العده...صنمين الناس

و آنا ابراهيم و غده...ذو الفقاري الفاس

بس إذا غير الله انعبد...ما ظن اتقبلين

يالوديعة و كيفج بعد...قول شتأمرين

يالزهرة أمس...رديت الشمس ...و بسبابتي هاي

عطلت الفلك...جبريل الملك...ربيّته اعله يمناي

ما حاجة الدعه...تنزل قارعة...من أرمش بعيناي

بالحومة جنت...لو أهجم ردت...الله يهجم اوياي

أنا حكمي واجب فرض...أمري كون فيكون

السمه أطبقها عالأرض...و أفني بيدي الكون

ما أبقّي منهم أحد...لون اتريدين

يالوديعة و كيفج بعد...قول شتأمرين

واقف سور إلج...هذا منزلج...فنه اليعتنيه ليه

هذا آنا علي...و اليقرب إلي...أمه داعية عليه

الما شايف بعد...سطرات الأسد...خل و أراويه

و السيفه حمل...حسباله بطل...حته إسمه أنسّيه

قلنه فاطم قالوا و إن...يم حسن و الله

أنا لو بس عندي إذن...أدري شحجي اوياه

ما أخلي راسي بجسد...لو لي إتأشرين

يالوديعة و كيفج بعد...قول شتأمرين

قتال العرب...بعيوني الغضب...يم الحسن لو بان

ميهمني الجمع...خلها تجتمع...كل الإنس و الجان

لاجن و الفلق...سيفي لو نطق...يسكت صوت الآذان

لو صدرج شفه...دين المصطفه...حسبيه بخبر كان

هذا نص قانون السمه...و نزلت الأحكام

تره لو ما كو فاطمه...يعني ما كو إسلام

الهالسبب لو شفتي الكمد...لازم اتصبرين

يالوديعة و كيفج بعد...قول شتأمرين

بمتوني جبل...شلته من الأزل...عهد النبي المختار

قلي لو رحت...مهما شاهدت...اصبر يا حمه لجار

فصل لي الأمر...عن أهل الغدر...لو هجموا اعله الدار

خدج ينسطر...ضلعج ينكسر...و بصدرج المسمار

النبي سولف كلشي لي...من الألف للياء

تره جدامك يا علي...تضرب الزهراء

عندي من الهادي عهد...حافظه من اسنين

يالوديعة و كيفج بعد...قول شتأمرين

وشبيدي إذا...في العينِ قذى...و اعله الصبر مجبور

ما ظل لي رجه...و في الحلق شجه...يبقه النفخة الصور

لو أبدي العذر...إلمن أعتذر...تدريني إني معذور

من ضرب المتن...لو لطم الجفن...لو قرطج المنثور

لو بيدية جان الأمر...منهو يتدناج

آنا أكسر ما أنكسر...إي وحق عيناج

هذا حكم الفرد الصمد...و انتي شتشوفين

يالوديعة و كيفج بعد...قول شتأمرين

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x