احجي ويه روحي
calendar_month 2012-11-19 play_arrow 1758 الاستماع

احجي ويه روحي - مكتوبة

قصيدة : أحـجـي  ويـه روحـي

للشاعر : وسام الشويلي

الرادود : الحاج ملا باسم الكربلائی

أحـجـي  ويـه روحـي بس لا نسوني
******
قاعده  إبدار  المصيبه و أحجي وي روحي
دمـعـتـي إتـسولف عليَّ بالأمر توحي
يـمـكـن أحـبابي نسوني زيدوا نوحي
ودعـت مـن ودعـتهم بلسم إجروحي
ظـل يـقـلـي دمـعـي ما ظن يجوني
******
يـا قـلب بس آنا و إنت النسمع إعتابك
تدري بيه إشراح أجاوب و أعرف إجوابك
أيـس  مـن الـدنيه أيس شالوا أحبابك
خـله  مقفول  إعله حزنه و لا تفك بابك
مـوتـي يـا فـرحـتـي مـن فارقوني
******
طـفـله  مهضومه و عليله و فاقده الوالي
هـذا  أول عـمري هيجي إشلون بالتالي
الـعـمـر مـو غالي عليه إبفرقت الغالي
يـعـنـي صار الموت هين و أرحم الحالي
ريـتـه  أودعـه عـمـري من ودعوني
******
شـفـت أبـويـه الودعاني يهمل المدمع
آنـا مـن عـيـنـه عرفته بعد ما يرجع
رفـع  إيده و حجه قلبه و آنا جنت أسمع
نـظـرة إعـيـونه تقلي إبكربله المصرع
أدري  مـن  سـفـرهـم لا مـا يجوني
******
جـنـت أتـمـنـه رقـيه لو تظل يمي
و الله فـرقـتـهـا دهتني نحلت جسمي
شـو خـذوها و ما خذوني آه يا هضمي
لـيـش  أحـبـابي جفوني و زيدوا همي
حـقـي مـن أعـاتـب جيه ما خذوني
******
مـهـد  عـبدالله  إبدمعتي قمت ألولي له
هـو  يـشـكي لي فرقته و آنا أشكي له
خـايـفـه  سـهم  المنيه إيظل يباري له
خـويـه  يـا عـبدالله إرجع يمي لو ليله
عـن قـطـع وريـدك جـن خـبّروني
******
بـالـدمـع  ليلي  سهرته ما طبق رمشي
و بـشـرايـنـي أحـسن بس ألم يمشي
بـيـه  إرحـم يا زماني يالخذت كل شي
جـثـه مـطـروحه بألمها و أنتظر نعشي
مـا ردت حـيـاتـي عـقـب الجفوني
******
أبـعث  إبدمعي رسايل و أكتب إحساسي
يـا  هـلي  قلب اليحبكم لحظه ما ناسي
صـعـبـه  فرقتكم عليَّ و شيبّت راسي
خـلص صبري و ريت تخلص حته أنفاسي
وسـفـه يـالـحـبـايب خابت ظنوني

تعليقات

لإرسال تعليق یجب أن تسجل في الموقع
account_circle

حسن علي حسين

منذ 11 سنة

روعة

thumb_down
0
thumb_up
0

account_circle

Abbas

منذ 11 سنة

الله يبارك بيكم ويحفظكم لخدمة الدين مأجورين

thumb_down
0
thumb_up
0

محرم الحرام 1434 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x