لطمية أويلاه يا فاطمة مكتوبة

 

الرادود باسم الكربلائي


أويلاه يا فاطمة
 
 
إي يَتاريخ الأدِلَه اْحچيها
وصَفحَة المَظلومه لا تِطوِيها
أويلاه يا فاطمة
 
إكتِب احروف الرَزايا ابلا قلَم
وفَهِّمْ اليوم الفَهَم والما فَهَم
سامري الأمَّه عَلى الزهره هِجَم
وسَكته مَحَّد يحچي وايحامِيها
أويلاه يا فاطمة
 
إكتِبِ احرُوفَك يَتاريخ ابْدَمِع
وِاْحچي كلشي وخَلها ناسَك تِستِمِع
فاطمَه الزَهره انْكِسَر مِنها الضِلِع
هالرُوايه اكْتِبها لا تِخفِيها
أويلاه يا فاطمة
 
إفضَح ابْصَفحاتَك أرباب الدَجَل
الهاجِمَوا بيت النُبوّه ابلا خَجَل
ناس مِنْ الله فَلا عِدهُم وَجَل
نِصرَوا الشيطان مِنْ تالِيها
أويلاه يا فاطمة
 
الباري طَهَّر فاطِمه مِنْ كِل دَنَس
نور قُدسي ومِنها شَمْس الله قَبَس
ومِنْ مُحَمّد روحه عينه والنَفَس
يآذي گلب المُصطفى اليآذيها
أويلاه يا فاطمة
 
إِلْعَن ابْصَفحاتَك البُغضَوا عَلي
وِاْعلِن ابْعُنوان خَط واضِح جَلي
اشْما عِمَلْتوا يُبقَى بَسْ حيدَر وَلي
ومِنْهو يگدَر هالحُجَج يِنْفِيها
أويلاه يا فاطمة
 
إفتَح ابواب الرُّوايات ابْحِزِن
صاح إهِجمُوا ابْنار وابْسَبِّ وطَعِن
فاطِمَه بالدار وايگِلْهُم وَ إِن
نار هاي الكِلمَه شِيْطَفّيها
أويلاه يا فاطمة
 
مِنْ حِسِن حَظَه الزَنيْمِ السامِري
ابْغِمدَه مِتْوَصِّي الفَقار الحَيدَري
چان ذَل مِثْلِ ابِنْ وِدِّ العامِري
چَف عَلي اجيوش الكُفُر يِفْنِيها
أويلاه يا فاطمة
 
إلْعَن الخَالَف عَلينَه المُرتَضى
وِالسِلَبْ حَگَّه وقِبَل بِيْهِ ورِضَه
والْيرِيد ايْلاوي چَف الرافِضَه
شيعَه إحنَه الدنيا حارَت بيْها
أويلاه يا فاطمة

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x