إنني الحر الرياحي
calendar_month 2020-09-27 play_arrow 266 الاستماع

إنني الحر الرياحي - مكتوبة

قصيدة : إنَّني الحُرُّ الرِّيَاحِي

الشاعر : ميرزا عادل أشكناني

الرادود : الحاج ملا باسم الکربلائي

إنَّني الحُرُّ الرِّيَاحِي...لكَ ساقَـتْـنِـي رِيَاحِي
أصبَحْتُ حُرَّاً...عِندما قَبِـلْـتَـنِي عَبْدا
أصبَحْتُ حُرَّاً...عِندما قَبِـلْـتَـنِي عَبْدا
******
ما أدري لاوين أتِّجِه...دلّيني وين أنطي الوجِه...اْو ما عندي غيرك تِدري
شفتك وَطن و آنه ابغرُب...مكسور من عندي الگلب...و إنته اللي تجبر كسري
معتنيك اْو ماي وجهي ابِّين اديَّه
والله يِرضه لو رِضَت زينب عليَّه
سيَّدي عفْوَك عنّي...لا تخيِّبْ فيكَ ظنّي
فإنَّ قلبي عنكمُ...لا يَحمِلُ البُعدا
فإنَّ قلبي عنكمُ...لا يَحمِلُ البُعدا
******
لا عِندي قوّه او أنتصِر...او لا عذر عندي او أعتذِر...بس عندي هاي الچلمه
نفسي إجت لك طايِعه...يا رحمة الله الواسعه...او بَابَ نَجاةِ الأمَّـة
إي وحگ كسرة ضلع أمَّك أحلفك
سيّدي غرگان إجيتك مِدلي چفَّـك
تائِبٌ فاسْمَع حَديثي...يا مُغيثَ المُسْتَغيثِ
فأذَنْ لِـرُوحِي سيَّدي...لرُوحِكُم تُفدىٰ
فأذَنْ لِـرُوحِي سيَّدي...لرُوحِكُم تُفدىٰ
******
خجلان من سيْد المَله...أوّل رعُب عالعايله...الأسباب چانت مِنِّي
او لنّي چِنت أوَّل جَرِح...أوَّل شخص كون أنذبِح...لو راضي فِعلاً عنَّي
خلني أطهّر رُوحي و أغسل ذنبي بدْماي
خلْني أعفِّر خدّي بترابك يمَوْلاي
نال تيجان المَعَـالي...وَ عَلا فوْقَ العَوَالِي
من في تُرابِ نعْلِكُم...قد عفَّـرَ الخدَّا
من في تُرابِ نعْلِكُم...قد عفَّـرَ الخدَّا
******
اگبال السُيُوف الترتِفِع...شدني عَـله صدرك درِع...خلٍّيني اموتن دونكَ
آنه اللي حاصرْت الظعن...خل يشهد اعْليّه الزمن...دمي فده لظعونك
واللِّي يستكثر عليكم ينطي رُوحه
لا يسولف بعَـد بالتُّوبه النَّصُوحه
فيكمُ مَنْ هامَ عِشقْا...فوَق هامِ العرْشِ يَرقى
و رُوح من تُفدى لكم...ستَسْكُنُ الخُلْدا
و رُوح من تُفدى لكم...ستَسْكُنُ الخُلْدا
******
من گبل لا يمْكم أرِد...چنْت أشعُر بروحي عَبِد...بالرُغم ما ( حُـر ) إسمي
و السَّا صِرِت حُر بالفِعِل...چي حَبلي بيكم متصِّل...اْو چي ألكم أرخِص دمِّي
كل عبوديَّه شفتِ بيها مذلَّه
و ابعُبُوديتي إلك راسي ايتعلَّه
شهِدَ اللهُ بِصِدْقِي...لكَ يا مالِكَ رِقِّي
و ابيضَّ وجهي فيكُمُ...من بعْـدِ ما اسْوَدَّا
و ابيضَّ وجهي فيكُمُ...من بعْـدِ ما اسْوَدَّا
******
إبني بُـكَـيْر اِوْيايْ إجه...يبْن البتوله و الرِّجه...أفديه دون الأكبر
اْو حتَّه أدري مقبول النَّدَم...من عندي جبته للخيَم...حتَّه يحامي الخدَّر
بأبي أنتَ و أمي اْو كل بنيني
جيت بايع عمري يحسين اشتريني
جئتُ ألوي لكَ جيدي...و ذراعي بالوصيدِ
بسَطْتُها و غيرُكم...من يطرُدُ الوَفْدا
بسَطْتُها و غيرُكم...من يطرُدُ الوَفْدا

تعليقات

لإرسال تعليق یجب أن تسجل في الموقع

صوتيات 1442 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x