أهز مهدك
calendar_month 2016-03-16 play_arrow 417 الاستماع

أهز مهدك - مكتوبة

للشاعر : المرحوم الشيخ سعيد الكربلائي

 

أهـــز      مــهــدك     يـعـبـدالله
وعـايـن عـالـمـهد خالي.... يبني وثمر دلالي
أهـــز      مــهــدك     يـعـبـدالله
******
يـعـبدالله  سهرت  برباك.... ياللي رباك هدّمني
يـعبدالله جنت أرجاك.... لدهري ولكبر سنّـي
يـعـبدالله  عگب عيناك.... دهري بيك سودنّي
بـسـهـم       فـگـدك      يـعـبـدالله
مـنـّي  غـايـب هـلالـي...يبني وثمر دلالي
أهـــز      مــهــدك     يـعـبـدالله
******
يـعـبدالله  شكثر باراك... گلبي وبصعب حملك
يـعـبدالله  الگلب غذاك...وإنت سلوته بوگتك
يـعـبـدالله  شكثر ناغاك.. يوم بناظري شفتك
اگول          تـعـود         يـعـبـدالله...
ودهـري  خـيـّـب آمالي.....يبني وثمر دلالي
أهـــز      مــهــدك     يـعـبـدالله
******
يـعـبـدالله بـعد صواب... گلبي لا تظن يلتم
يعبدالله  الگلب  لهـّاب ...عليك وعيني تهمل دم
يعبدالله  ياريح الهاب.. يا چوچب ساعدي اليبسم
جــفــى  ســعــدي  يــعـبـدالله
و  ريـتـك تـنـظـر لحالي....يبني وثمر دلالي
أهـــز      مــهــدك     يـعـبـدالله
******
يـعبدالله ثدايه عليك... درت والگلب وجـّـر
سـهـم  البين نحر ما بيك... وسمّـه بالگلب أثر
يعبدالله العطش مض بيك ... ونيران العطش تسعر
شــيــطــفــيــهـا  يـعـبـدالله
وانـظـر  شـخصك  گبالي.... يبني وثمر دلالي
أهـــز      مــهــدك     يـعـبـدالله

تعليقات

لإرسال تعليق یجب أن تسجل في الموقع

صوتيات 1437 هـ

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x