قصيدة :  آه يحسين ومصابه

للشاعر : المرحوم كاظم منظور الكربلائي

الرادود : الحاج ملا باسم الكربلائي

المناسبة : رثاء الامام الحسين (ع)

الزمن : ليلة 22 محرم 1440 هـ

حسينية الحاج داوود العاشور

آه يحسين و مصابه

لجله العين سجابه

زنيب تون و تنادي

خويه و يروح الهادي

*****

يحسين يالذجرك بطرف لساني

حاشاك لليوم الوعد  تنساني

و اني اعتقادي بدفترك عنواني

ناجح الصار بدفترك عنوانه

*****

يحسين ريج الماي ما يحلاله

امن اتصوره ادموعي تظل همّاله

اذكر رضيعك من يبس دلاله

و جمر العطش قلبه توّج نيرانه

*****

بماي العذب يحسين ما نتهنه

و يحرم على اطفالك مـتشرب منه

جم طفل ظل يجذب عليه الوّنه

و جم طفلة ظلت ضاميه و عطشانه

*****

يحسين عيني من تصد للشبان

اذكر علي الاكبر و شمعة عدنان

جنّي اشوفه معّفر اعله التربان

و الذاري جسمه مجفنه ابتربانه

*****

يحسين لو عريس عيني تشوفه

اذكر الجاسم و انتحب عالحوفه

من دم وريده خضبوله جفوفه

و تسحق على اطفاله خِيَل عدوانه

*****

يحسين و الله لو ذكرت مصابك

روحي توج بنار مثل اطنابك

و اهجس بقلبي صواب مثل صوابك

و سهم المثلث بالجبد نيشانه

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x