قصيدة : آخر رسالة
للشاعر : حمزة السماوي
 المناسبة : استشهاد الامام الصادق (ع)

الرادود : الحاج ملا باسم الكربلائی و بمشاركة ملا قحطان البديري
 ليلة 26 شوال 1440
 هيئة الزهراء للعزاء المركزي في حسينية و جامع الرسول الاعظم (ص) بغداد حي الاعلام

اخر رساله امن الگلب عندي
من جعفر الصادق الى المهدي
واعدتك و باقي على وعدي
******
سنابك همي وكفت فوك صدري
وسنان افكاري تاخذ راس عمري
وحفر خندق حزن سلمان صبري
ومليت الجرّه من ادموع تجري
لو باقي يوم بعمري انتظره
واوكف اخدمه وارتجي نظره
جدك واكلمك يالتجي بعدي
******
برغد نامت يبو صالح خصومك
ومشرّد ثارك بصحرة قدومك
شتسوي سوي ما واحد يلومك
الزمن كمّيه والنوعيه يومك
لو عيسى خلفك بالفرض صله
يتقبل الله اينادي صوت الله
هذا الشرف يوم الشرف يجدي
******
عليك بداعة العصره يمهدي
عليك بداعة الكسره يمهدي
عليك بداعة السطره يمهدي
عليك بداعة الزهره يمهدي
كلش جبيرة غيبة الكبره
وكلش جبيرة زينب الكبره
تعرف مصايبهه وبعد تبدي
******
تجي وخل ترجع الامه لاصلهه
وتره الاصنام مو الا بشكلهه
يجي القرآن ويحاسب جهلهه
ويجي الميمون ويحاسب جملهه
شجر الاراك ايعاتب النخله
لايذ وراهه والغدر سهله
من كطع جف الكافل الجندي
******
عشت بحساس هالقصه الاليمه
احترك بيتي وركضت استر حريمه
لجن جدك يبو صالح هظيمه
انكطع راسه كبل حركة الخيمه
مات الحسين وعينه مفتوحه
لخيامه ما جانت عله اجروحه
كل همه زينب تفتهم قصدي
******
يجي يوم الشهد والغيبه مُره
وترد زينب عزيزه وهيه فتره
وابو هارون يصعد شعر يقره
وسوه نبچي عله المكطوع نحره
بطور العراقي يقره ابياته
وموكب محرم عندي راياته
ومنتظرك انه ابقه بوسط لحدي

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x